十二味烤魚九宮格 (已結業)

自從上次係廣州食過烤魚之後，成日心思思想再食，但係畢竟路途遙遠啊，朋友話紅磡果度有間十二味烤魚九宮格，見到我成日恨食烤魚話帶我去試試。哩間既裝修風格都比較特別，就地板磚都深深吸引人既眼球。餐牌既設計都好特別，令人一目了然，分類的好清楚，仲有店長推介既標誌供大家參詳。點佐一個冬陰功味烤魚，哩道既做法同之前既烤魚唔同，條魚系先炸過的，再加上配菜同醬汁烤，賣相都幾好，香味濃郁，魚皮脆，魚肉嫩，加上辣辣既汁 不過魚都係唔夠肥美，肉比較少，炸過既魚比較香口，但係少佐一份魚既鮮嫩，比較容易上火，本人係好容易上火的，所以有D怕怕，但係對於鐘意香口既朋友都係唔錯既選擇。