影片
更多
2018-02-22
104 浏览
新年當然要食好啲，想來想去都係食中國菜比較適合，但又不甘於平凡，同朋友一直研究之後決定要食四川菜！最近四川麻辣火鍋非常盛行，令有質素既四川小菜被淡忘，幸好朋友想起呢間多年獲得米芝連一星榮譽既駿景軒，既然咁有來頭，當然吸引到我去試下啦！從灣仔地鐵站一路走來，先發現原來酒店位於跑馬地馬場附近，環境比較清幽，酒店外牆閃令令既燈飾非常搶眼。餐廳位於一樓，可以選擇走雅緻既樓梯或者搭𨋢。《瓦罉焗胡椒蝦 $428》第一次品嚐胡椒蝦，的確非常期待。當店員打開煲蓋的一刻，只見一整煲都係原粒白胡椒粒，說好的蝦呢？原來全部蝦都隱藏於胡椒粒中，只要用匙更輕輕往煲底一推，就會見到酥脆大蝦！胡椒蝦充滿胡椒香氣，無論蝦頭或蝦尾都非常香脆惹味，味道略咸。《照燒黑松露野菌安格斯牛柳粒 $288》呢客牛柳粒喺黑松露既加持下變得份外矜貴！黑松露並唔係一般餐廳咁只加黑松露醬調味，而係一片片原整既黑松露。牛柳粒大小適中，剛好可以一口一粒，肉汁豐盈，肉質嫩滑軟腍，係值得一試既新派菜式。《川味口水雞 $158》對我來說，呢份口水雞係我是晚最愛。口水雞既辣汁分開呈上，可以自行調節辣度。辣汁上既辣椒蓉好惹味又唔係死辣，加上雞件後非常好
最近四川麻辣火鍋非常盛行，令有質素既四川小菜被淡忘，幸好朋友想起呢間多年獲得米芝連一星榮譽既駿景軒，既然咁有來頭，當然吸引到我去試下啦！
從灣仔地鐵站一路走來，先發現原來酒店位於跑馬地馬場附近，環境比較清幽，酒店外牆閃令令既燈飾非常搶眼。
餐廳位於一樓，可以選擇走雅緻既樓梯或者搭𨋢。
《瓦罉焗胡椒蝦 $428》
第一次品嚐胡椒蝦，的確非常期待。
當店員打開煲蓋的一刻，只見一整煲都係原粒白胡椒粒，說好的蝦呢？
原來全部蝦都隱藏於胡椒粒中，只要用匙更輕輕往煲底一推，就會見到酥脆大蝦！
胡椒蝦充滿胡椒香氣，無論蝦頭或蝦尾都非常香脆惹味，味道略咸。
《照燒黑松露野菌安格斯牛柳粒 $288》
呢客牛柳粒喺黑松露既加持下變得份外矜貴！黑松露並唔係一般餐廳咁只加黑松露醬調味，而係一片片原整既黑松露。
牛柳粒大小適中，剛好可以一口一粒，肉汁豐盈，肉質嫩滑軟腍，係值得一試既新派菜式。
《川味口水雞 $158》
對我來說，呢份口水雞係我是晚最愛。口水雞既辣汁分開呈上，可以自行調節辣度。辣汁上既辣椒蓉好惹味又唔係死辣，加上雞件後非常好食，係有質素既作品。
《杏汁燉白肺湯 $90/位》
見朋友強烈推薦，我都點左一客試試。有別於一般杏汁白肺湯強烈既杏汁味，呢一客湯既杏汁味道平衡得宜，唔會令杏汁蓋過湯既鮮甜味，令我呢個唔鐘意杏汁味既人都接受到。
《紅油雲吞 $98》
雲吞不過不失，雲吞皮夠薄，吃起來無負擔。
张贴
