炊豕店 (威靈頓街) (已結業)

見到門口有十個八個食客排隊，見到門口大大個餐牌，最平$58一個豬扒飯，合乎速食經濟效益，好憎排隊嘅我，決定一排！可能因為快餐，5分鐘巳安排座位，店舖裝修懷舊， 外形裝修矚目，比對附近擠迫街市環境份外精神爽利，坐低後，自選食物✍🏻，小食，飮品，第一次試，當然點招牌豬扒飯，等候食物期間，留意到鋪頭地方不大， 但突然見到隔離枱食客食緊豬扒撈粗麵， 我也好想由飯轉撈粗，立即向侍應要求，可惜因為係快餐，已經改變唔到，店員已遞上食品，但真係好吸引，大大塊豬扒加滷肉汁， 用珍珠米，扒香脆好味，點解炸粉同肉中間有一層啫喱，究竟係什麼，細心睇吓原來係肥肉， 要健康d應該唔好食嘅，但係都忍唔住照咬入口， 好啫喱，下次一定可以再試埋咖哩汁，努力用心經營呀！