裕記大飯店

营业中

休息中

去完荃灣行街，即興去深井食裕記，渣車去好快到，而且去返裕記停車場泊車，泊車都有優惠呀。 裕記猶以獨特的炭燒燒鵝為客人至愛，不少人慕名而來。所以我地黎到必點-炭燒燒鵝（半隻）獨特的炭火燒烤，鵝隻香濃，皮好脆，油脂豐盈不膩，肉質嫩滑，下次要叫一隻先夠喉。之後我地仲叫了4個餸。鹵水鵝腸，帶丁點肥膏，滑得來爽。西蘭花炒蝦球-蝦球大隻，新鮮，不是雪藏貨，口感爽口彈牙，西蘭花口感爽脆。沙嗲粉絲金菇鮮牛煲-好多粉絲同鮮牛，鮮牛滑而軟腍，粉絲金菇索晒沙嗲汁，超惹味。京都肉排，差左D ，肉好硬，汁冇味，一D 都唔好味。