老翁一品火鍋料理 (已結業)

呢間係新開嘅火鍋店，揸車經過見佢大大個招牌，燈火通明兼光撐撐，感覺乾淨。加上呢排天氣咁凍，就一定要打邊爐。新開嘅店唔太多人，未見有好多宣傳品，加上火鍋店嘅價錢中上，可能因為咁，未即刻吸引到好多人嚟試。我唔算影得太多相，因為兩個人打邊爐做晚飯，但都唔想食到太飽，所以都係咁易叫啲牛肉、羊肉、金菇、四色丸、餃子等等，加個天麻豬肚雞煲做湯底就夠。個湯底非常有驚喜，店員介紹我哋飲啖湯之後先開始打邊爐。個湯非常好飲，好清，飲完完全冇口渴。佢哋啲配料都好靚，啲豉油味道雖然都係幾咸吓，但你食完唔會覺得好口渴嗰種。我哋有叫皇帝菜，新鮮好食珊瑚蚌及貴妃蚌，好食羊肉，一般兩個人，平均$700一位。但食物質素好，個湯贏唔少分，仲有服務好好，所以貴得嚟都覺ok。