米走雞Live

营业中

休息中

好久，都無約朋友食飯了，趁今日有時間又在觀塘附近，馬上行動，打電話比朋友，來觀塘聚一聚，臨時臨急，都未知食咩野好？問朋友，話有好介紹，位於工廠大廈內，有一間一開二的餐廳，一邊是食西餐、一邊是食火鍋的，仲有是有現場band隊演唱，都是不錯的選擇。食完飯後，回家途中，還撞到愛回家在附近拍攝，又可見到明星！雞煲有分兩種，火熖雞煲、黃金芝士雞煲。火熖雞煲，BB辣，都已經好麻好辣了，未咁想像大辣的程度是有多麻辣？全用上雞腿肉做雞件，再配上大量香菜、洋蔥、芫茜、中芹，辣椒乾等爆香，醬汁夠香濃，雞肉、配菜吸收了醬汁的味道，雞肉嫩滑又香濃，配菜的麻辣，越食越停不下來，好吸引！雞肉啖啖肉。特級雪花肥牛，牛肉肉質夠鮮嫩，肥美又鮮明，油脂分佈均勻，唔太肥，雪花紋明顯，味道鮮甜，放在雞煲上滾幾下，放入口，肉質溶化在口裹，嫩滑口感，加上又麻又辣，滋味無窮。竹庶茅根水，清甜又下火，最好鮮辣的飲料。手製五寶丸，肉丸肉質新鮮，爽口彈牙，咬落肉汁鮮甜，有質感。