湘舍壹號

营业中

休息中

見到公司對面開咗間新嘅餐廳食湘菜 所以我就同同事中午去試吓先😎 我哋點咗一個臭豆腐，農家小炒肉 同埋餐廳最出名嘅清燉湘舍甲魚 湘湘臭豆腐 ⭐️⭐️⭐️⭐️⭐️簡單嚟講，真係我喺香港食過最好食嘅臭豆腐！ 臭豆腐剛剛炸出嚟嘅時候就係最好食😋 咬落去嘅時候真係好酥脆 佢哋嘅醬汁做得好出色 會落去剛剛炸好嘅臭豆腐 真係好好食 唔會話太辣 清燉湘舍甲魚 ⭐️⭐️⭐️⭐️⭐️見到佢哋最出名係甲魚湯 咁當然要叫一個試吓 魚湯好濃好好飲 飲落去真係有種骨膠原嘅味道 好岩女仔飲❤️❤️❤️湯裏面仲有幾件魚肉 真係真材實料 農家小炒肉 ⭐️⭐️⭐️⭐️聽講湖南最出名就係食辣椒🌶️所以我哋就點咗一個農家小炒肉 炒完出嚟真係好香 好好食 配飯食真係一流 可能係為咗適應香港人嘅口味 佢又唔算話好辣 啱晒我食‼️兩個人食咗大概$800左右 價錢相宜 適合一家大細，或者係商業午餐💚