影片
更多
2019-01-11
104 浏览
早排前同事約我食lunch傾個計，帶左我黎呢間美式漢堡店試下😋係地鐵站行5分鐘左右就到，轉角位，鋪面唔算大，有少少逼夾，但可以接受👌🏾我同同事都揀左芝士牛肉漢堡，而我就走左洋蔥。一食入口好意外，包皮好軟熟，入面塊牛肉好大塊，一咬啲肉汁就咇晒出嚟😆，而且芝士味濃，塊芝士覆蓋哂成個包，有誠意👍🏾我個人認為可以同同區另一間美式漢堡店媲美🔥小食方面，我地叫左薯堡同芝士薯條。雖然薯條唔係粗嗰隻，但熱辣辣加上濃厚嘅芝士非常美味，如果冇芝士嘅話就相對失色，所以我建議你哋都加芝士，或者配搭其他口味👍🏾相反薯堡就有啲失色，唔算太特別，亦唔算太好食😕飲品方面我就普普通通叫咗杯可樂，不過我同事就叫咗雲呢拿奶昔！我試咗幾啖，雲呢拿味非常濃郁，而且奶昔軟綿綿好好飲，好似飲緊杯雪糕咁，呢杯野有驚喜，值得一試！總括來講，如果鍾意食漢堡包嘅朋友，我認為呢間鋪頭嘅漢堡包值得一試，唔差😋
我同同事都揀左芝士牛肉漢堡，而我就走左洋蔥。一食入口好意外，包皮好軟熟，入面塊牛肉好大塊，一咬啲肉汁就咇晒出嚟😆，而且芝士味濃，塊芝士覆蓋哂成個包，有誠意👍🏾我個人認為可以同同區另一間美式漢堡店媲美🔥
小食方面，我地叫左薯堡同芝士薯條。雖然薯條唔係粗嗰隻，但熱辣辣加上濃厚嘅芝士非常美味，如果冇芝士嘅話就相對失色，所以我建議你哋都加芝士，或者配搭其他口味👍🏾相反薯堡就有啲失色，唔算太特別，亦唔算太好食😕
飲品方面我就普普通通叫咗杯可樂，不過我同事就叫咗雲呢拿奶昔！我試咗幾啖，雲呢拿味非常濃郁，而且奶昔軟綿綿好好飲，好似飲緊杯雪糕咁，呢杯野有驚喜，值得一試！
總括來講，如果鍾意食漢堡包嘅朋友，我認為呢間鋪頭嘅漢堡包值得一試，唔差😋
张贴
