影片
更多
2022-07-15
523 浏览
聽講呢一間西班牙菜好有特色，慶祝生日節日氣氛一流，生日嘅話係會有店員送上生日甜品同彈結他為你唱生日歌，之前見到佢會有即影即有但今次同朋友去竟然冇，食物質素都OK，未去到架好食但整體來講都唔錯，冇一樣嘢食係架伏，食物嘅份量好多好足，兩個人食廚師推介真係飽到傻，有少少美中不足嘅地方係食到後期嘅時候，店員完全唔夠人手去招呼客人，要等好耐先至可以幫手影相加水埋單。🍴 CHEF FEED ME PER. FAVOR $568 一位 另收加一 圖片中為二人份！🍴餐包 酸種麵包 (7/10)孫總麵包外皮超硬勁難咬開，入面就比較濕少少淋少少，食到幾香嘅麥味，同埋酸種發酵得好夠，有酸種嘅味道。個蒜蓉cream，搽麵包度幾香蒜蓉味，鹹香香口。🍴Tuna Tartar (8/10)係用左吞拿魚，蟹子，個底係牛油果醬，脆球去整，外面脆球薄脆口感，吞拿魚唔腥唔太勁淋身，有口感，加埋牛油果醬好fresh，幾好食，咁多個小食覺得呢個最好食物🍴 Gambas (5/10)有四隻蝦，用左蒜去整，蝦係冰鮮蝦，食得出蝦肉淋身，冇咩口感，蒜頭味唔出，比較淡味。🍴 Padron Peppers (7/10)第一次食烤青椒仔，意
聽講呢一間西班牙菜好有特色，慶祝生日節日氣氛一流，生日嘅話係會有店員送上生日甜品同彈結他為你唱生日歌，之前見到佢會有即影即有但今次同朋友去竟然冇，食物質素都OK，未去到架好食但整體來講都唔錯，冇一樣嘢食係架伏，食物嘅份量好多好足，兩個人食廚師推介真係飽到傻，有少少美中不足嘅地方係食到後期嘅時候，店員完全唔夠人手去招呼客人，要等好耐先至可以幫手影相加水埋單。
🍴 CHEF FEED ME PER. FAVOR $568 一位 另收加一 圖片中為二人份！
🍴餐包 酸種麵包 (7/10)
孫總麵包外皮超硬勁難咬開，入面就比較濕少少淋少少，食到幾香嘅麥味，同埋酸種發酵得好夠，有酸種嘅味道。個蒜蓉cream，搽麵包度幾香蒜蓉味，鹹香香口。
🍴Tuna Tartar (8/10)
係用左吞拿魚，蟹子，個底係牛油果醬，脆球去整，外面脆球薄脆口感，吞拿魚唔腥唔太勁淋身，有口感，加埋牛油果醬好fresh，幾好食，咁多個小食覺得呢個最好食物
🍴 Gambas (5/10)
有四隻蝦，用左蒜去整，蝦係冰鮮蝦，食得出蝦肉淋身，冇咩口感，蒜頭味唔出，比較淡味。
🍴 Padron Peppers (7/10)
第一次食烤青椒仔，意外幾唔錯，青椒落咗鹽去烤，鹹鹹哋幾香口，唔會辣，啲籽幾爽口，幾特別。
🍴 Ham Huevos Rotos (8/10)
店員話係broken legs，上面有ham，兩隻煎蛋，加啲炸焗過嘅薯片，西班牙火腿幾鹹香，唔會過鹹，煎蛋都有流心，薯仔係似焗淋咗，但又有炸香過，甜甜哋幾香口，撈勻食幾香幾特別，都幾唔錯，但係食完已經勁飽🤣
🍴 Truffle Croquette (7.5/10)
炸嘅黑松露忌廉波，外面好香脆，入面係流心忌廉cream，好creamy好多餡，黑松露味幾香，但唔算濃，食多一舊都覺得幾膩，但味道ok的。
🍴 Juicy Lobster Rice with Sautee Broccolini (7.5/10)
一上枱好大盤！似係四個人份🤣但幾驚艷係有一隻龍蝦，仲要有膏！龍蝦用冰鮮，肉質唔彈牙爽口，比較淋身，但有蝦味嘅，膏好香濃，個飯先吸曬精華！好香龍蝦味，但屬於比較清香，成個飯就靠隻龍蝦同雞湯調味，冇乜其他調味料，比較淡身，飯口感較淋身，有少少似食潮州粥嘅感覺，飯粒淋但有口感！個西蘭藥燒得好重碳味，偏苦同鹹。590單叫就唔值，套餐都ok嘅🤣未到勁驚喜，但都唔錯。
🍴 Chocolate Mousse (7/10)
Olive oil. sea salt, honevcomb crumble，朱古力mousse好香滑，好濃郁朱古力味，但唔會苦，加埋海鹽令到平凡嘅mousse好有層次，但冇蛋糕布甸食有啲失望，見其他食評有🥹
推薦指數: 7.5/10
總體嚟講環境幾好有氣氛，食物ok特別，未到驚喜同好好食，慶祝生日唔錯，有歌唱下，但冇即影即有相送就差啲，同埋送甜品上枱冇主動問要唔要幫忙影相，我同朋友坐到蠟燭熄埋都揾唔到店員幫手影相😅忙到冇時間招呼客人，都體諒嘅，去到連埋單叫人都等15分鐘，令到個感覺一般😂安排可以好啲。
张贴
