更多
2025-05-26
1231 浏览
🥳生日正日,去咗灣仔食西班牙菜平時行親過呢間舖頭都見到好多外國人去食一直都好想去試吓,老公終於記得🤣,襯我生日book呢間餐廳慶祝🎂咁啱星期四做緊90分鐘任食生蠔間餐廳入面好靚,原來最少有三層樓我哋食生蠔餐都安排坐一樓侍應全部都講英文OYSTER EXTRAVAGANZA $588/位🍹 Drinks: 套餐價錢是不包括飲品的,可以另外點飲品,或者以這個套餐餐牌上嘅優惠價點香檳或Sangria,我哋點咗Sangria $68是西班牙果酒,用紅酒加上水果而成,甜甜地容易入口Starters: 餐前小吃很精彩,一共有三款🌟Mussels: 用白酒同香草煮嘅青口,味道ok🌟Pan Con Tomate: 新鮮蕃茄用橄欖油撈過,放在麵包上,麵包出奇地香脆,好食🌟Tuna Tartare:吞拿魚他他,有三文魚籽同醬汁撈埋一齊,配上麵包,幾好食,份量都幾多,估唔到仲係每人一碟添🍞餐前麵包:看到麵包跟牛油,沒有引起我的食慾,食完餐前小吃,才食這款麵包。原來最驚艷係個牛油🧈,牛油有蒜蓉,鹽,幾好食,不知不覺又食晒了😆🌟🌟 🦪OSTER FREE FLOW (90mins)🌟🌟重點嚟啦!任食生蠔開始🦪一
平時行親過呢間舖頭都見到好多外國人去食
一直都好想去試吓,老公終於記得🤣,襯我生日book呢間餐廳慶祝🎂
咁啱星期四做緊90分鐘任食生蠔
間餐廳入面好靚,原來最少有三層樓
我哋食生蠔餐都安排坐一樓
侍應全部都講英文
OYSTER EXTRAVAGANZA $588/位
🍹 Drinks: 套餐價錢是不包括飲品的,可以另外點飲品,或者以這個套餐餐牌上嘅優惠價點香檳或Sangria,我哋點咗Sangria $68
是西班牙果酒,用紅酒加上水果而成,甜甜地容易入口
Starters: 餐前小吃很精彩,一共有三款
🌟Mussels: 用白酒同香草煮嘅青口,味道ok
🌟Pan Con Tomate: 新鮮蕃茄用橄欖油撈過,放在麵包上,麵包出奇地香脆,好食
🌟Tuna Tartare:吞拿魚他他,有三文魚籽同醬汁撈埋一齊,配上麵包,幾好食,份量都幾多,估唔到仲係每人一碟添
🍞餐前麵包:看到麵包跟牛油,沒有引起我的食慾,食完餐前小吃,才食這款麵包。原來最驚艷係個牛油🧈,牛油有蒜蓉,鹽,幾好食,不知不覺又食晒了😆
🌟🌟 🦪OSTER FREE FLOW (90mins)🌟🌟
重點嚟啦!任食生蠔開始🦪
一開始上咗12隻
蠔size比較細隻,不過蠔味十足
當你食完一盤,店員就會主動問你仲食唔食,完全唔會尷尬,食到夠才上主菜
我哋book咗6:30枱,最初上蠔要等一陣,之後入座嘅人比較多了,生蠔一叫就上枱
主菜有多款選擇,有雞、牛、魚,另外可以加錢轉龍蝦飯或者原條炭烤魚,我哋點咗:
🐓燒雞:店員建議我哋,一粒蒜頭跟雞肉一起吃,這個食法果然不錯!蒜頭已經烤到好甜,雞肉味道唔錯
🥩 炭烤牛扒,我哋點咗medium,廚師火候控制得啱啱好,牛扒外層微脆,內裏夠淋
牛扒好好味啊
甜品
🌟 CHURROS: 西班牙肉桂條,充滿玉桂味,外面一層砂糖,甜甜地,好脆,配上朱古力醬
🌟 BURNT CREMA CATALANA
火焰焦糖布丁,有橙酒味,上枱時侍應在甜品面點火,好有睇頭,味道仲好好食
小插曲:老公在Openrice book 位,Click慶祝生日,但無註明人名😩 (佢話唔識喎🙄 x 10)
送甜品時,幾個侍應生一齊為我唱生日歌,氣氛好好👍🏻 但個碟寫住 Happy Birthday Hazel
為了唔好破壞氣氛,我等侍應唱完歌,先同佢講返我哋其實無落名,以免到Hazel那枱慶祝🍾時無咗個碟😅
整體嚟講,呢間西班牙菜真係唔錯呀!
任食生蠔超值!(記得逢星期四)
侍應有介紹每道菜式,服務好好
慶祝生日或周年紀念,真係一流!
张贴