麵屋神匠

营业中

休息中

今日去旺角購物，順路去麵屋神匠吃拉麵。午市拉麵/丼飯套餐好抵食，由$68至$128，送汽水，可追加由$10至$28的小食，穿校服的學生可額外獲得88折。極上蟹白湯拉麵和神匠番茄蝦湯沾麵之前試過都好好味，但我還是最愛濃厚蝦湯拉麵。濃厚蝦湯拉麵($98)的蝦湯真材實料用心熬製，湯又香又濃又夠熱，湯上洒滿紅紅的小蝦干，先喝兩口蝦湯再吃麵。拉麵不用費神揀軟硬度，麵煮得軟硬適中合我口味，麵有蛋味和質感。半隻美味的溏心蛋，加埋兩大塊有肉味肥瘦適中的慢煮叉燒，兩塊紫菜，荀片和適量葱絲，一碗美味用心製作的拉麵令人好滿足。日式餃子$10四隻好抵食，但今天想吃炸雞便隨心所欲。日式唐揚炸雞一份三大塊$28也是超值，雞即炸即吃好正，皮脆肉滑又夠份量。飲埋罐冰凍的可口可樂，今餐好滿足。