影片
更多
2022-06-21
44 浏览
📌 米走雞Live📍 觀塘興業街4號The Wave 3樓☎️ 98885104★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*`好友平時對食無乜追求，除了見到雞煲會雙眼發光，神采飛揚。適逢佢去觀塘果頭返新工，呢日去觀塘搵佢食雞煲啦。餐廳有🐔火焰麻辣雞煲 同 黃金芝士雞煲兩款選擇。我哋選擇米走雞最馳名嘅芝士雞煲。🐔黃金芝士雞煲（小➡️$208；大➡️$268）細size 啱2-3人食，4人以上可以叫大。雞煲入面有洋蔥、紫洋蔥、中芹、芫茜、乾蔥。可以選擇走你唔要嘅配菜，仲有得俾你揀要幾多芝士碎。我呢個芝士控梗係唔執輸叫咗激量芝士碎（📣📣P.S. 重點係唔洗加錢！）🧀🧀🧀🧀🧀🧀🧀個煲黎到真係嚇親，雞件分量極多，芝士碎堆到成座山咁高。滾起後啲芝士碎溶晒喺雞件度。打開個蓋啲芝士味湧出嚟。雞件全部係脾位啖啖肉，夾起件件都拉晒絲，入口芝士味好濃郁。食到咁上下職員就會加芝士湯落去再打邊爐。如果覺得太濃都可以揀清湯底。食完啲雞都好飽，但芝士湯底打邊爐又實在太吸引，所以都叫咗啲🥬蔬菜類去烚吓烚吓，好彩佢大部份火鍋料都有半份揀，等我地都可以tick多啲唔同
📍 觀塘興業街4號The Wave 3樓
☎️ 98885104
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*`
好友平時對食無乜追求，除了見到雞煲會雙眼發光，神采飛揚。適逢佢去觀塘果頭返新工，呢日去觀塘搵佢食雞煲啦。
餐廳有🐔火焰麻辣雞煲 同 黃金芝士雞煲兩款選擇。我哋選擇米走雞最馳名嘅芝士雞煲。
🐔黃金芝士雞煲（小➡️$208；大➡️$268）
細size 啱2-3人食，4人以上可以叫大。雞煲入面有洋蔥、紫洋蔥、中芹、芫茜、乾蔥。可以選擇走你唔要嘅配菜，仲有得俾你揀要幾多芝士碎。我呢個芝士控梗係唔執輸叫咗激量芝士碎（📣📣P.S. 重點係唔洗加錢！）🧀🧀🧀🧀🧀🧀🧀
個煲黎到真係嚇親，雞件分量極多，芝士碎堆到成座山咁高。滾起後啲芝士碎溶晒喺雞件度。打開個蓋啲芝士味湧出嚟。雞件全部係脾位啖啖肉，夾起件件都拉晒絲，入口芝士味好濃郁。
食到咁上下職員就會加芝士湯落去再打邊爐。如果覺得太濃都可以揀清湯底。
食完啲雞都好飽，但芝士湯底打邊爐又實在太吸引，所以都叫咗啲🥬蔬菜類去烚吓烚吓，好彩佢大部份火鍋料都有半份揀，等我地都可以tick多啲唔同嘅種類。當中最impressive 嘅係鮮炸響鈴，total 三件，每件都半個煲咁大，浸落去索晒啲芝士湯汁勁邪惡🫣😋😋😋😋。
🍜出前一丁配芝士
最後跟餐紙上嘅建議食法落咗個出前一丁同放兩塊芝士喺上面。望住兩塊芝士慢慢溶入啲面度，夾起啲面，見住啲麵掛滿芝士醬汁，芝士控嘅我表示超級滿足。 😋
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*`
张贴
