點滾鮮點心火鍋

营业中

休息中

天氣凍最啱就係打邊爐，出街打邊爐最好嘅就係乜都唔使諗，而且款式有多！發現到呢一間火鍋放題，除咗有火鍋任食之外，竟然仲有點心任食，而且價錢唔貴！重點係仲有獨立屏幕可以連手機睇戲/ 睇電視，超正呀！今次就食咗個澳洲和牛套餐，和牛質素都幾高！外面仲有自助區，自助區除咗有火鍋配料之外，仲有甜品同一啲熱盤，個五香牛腩真係幾正！豬手都炆得好腍好入味！點心種類都非常之多，蝦餃、燒賣、牛栢葉、流沙包等等！點心全部即叫即蒸，全部熱辣辣，個流沙包堅流沙！最後套餐仲會包括大牌雪糕每人一杯，夜晚入座仲會有唔同嘅優惠，整體嚟講價錢唔貴款式多，味道都唔錯！