心夜來潮 (已結業)

我地去完旺角信和，波鞋街行街，之後夜晚去搵食，大家都唔想食西餐，所以今次食特別D ，食潮汕菜。入面裝修好有古代味道，全以木為主。我地叫左幾個小菜，心夜小炒王-夠鑊氣，小小辣，有蝦乾，魷魚，韮菜，腰果，菜脯，我最鐘意既韭菜花，爽甜無渣，好惹味，如果飲埋啤酒就一流啦（因為要渣車，所以冇得飲啤酒😭😭）石板燒汁茄子-茄子用鐵板上，一送到上黎，D 汁狂彈，有小朋友要小心，因為真係會周圍彈，有小小辣，茄子煮得入味。白果胡椒豬肚湯-好重胡椒味，好正，湯入面有豬肚，蘿蔔，胡椒，白果，好足料，當然最緊要係豬肚洗得乾淨，冇臭味。脆香小食雙拼-我地叫左巨型手打魚蛋，蝦棗雙拼，巨型手打魚蛋，蝦棗已切片，方便食，兩款都好彈牙，都係炸，好特別，唔錯唔錯。櫻花蝦欖菜肉鬆炒飯-飯粒夠乾身，粒粒分明，香口鑊氣足。