CURATOR Art & Café (已結業)

學生今個禮拜生日, 話想試下K11依間打卡CAFE, 上完堂就同佢黎食個生日便飯。Breakfast Essentials 女仔學生通常都又要食又要怕肥, 揀左依個Breakfast Essentials, 微脆多士上面鋪左層蛋, 好多既腸, 酸瓜, 簡單一份toast有唔同既口感同味道, 輕食黎講都算係咁。卡邦尼培根意粉橙黃色既長通粉加上芝士粉同香草, 賣相精緻。長通粉既口感幾特別, 表面好滑溜而內裡則彈牙。主材料有bacon, 蛋黃, 香菇同西班牙辣肉腸,  bacon同辣肉腸令成個菜式變得咸香惹味。藝術打印朱古力 今期既主題係小王子, 仲有個王子TEASET, 今次就飲住小王子PRINT既朱古力 先, 朋友一見到即刻少女心爆棚, 係咁影影影, 好彩杯朱古力 本身係凍既, 佢仲話好中意添。Piccolo Latte 我自己就叫左杯Piccolo Latte, 入口順滑, 咖啡味甘醇濃厚。係藝術CAFE拉花唔少得, 但係咁細既杯上拉花都咁靚, 都真係值我我影多兩張相。