漁正居酒屋 (已結業)

朋友提議食日本野，佢揀咗呢間充滿日式風味居酒屋🏮，貪佢地點就腳同埋食物水準穩定，食過幾次都覺得食物優質。三色刺身，鮮吞拿魚赤身刺身，含脂最少，鮮味且爽口，三文魚脂肪比例較高，入口滿有魚香，而八爪魚刺身則鮮甜彈牙。加上酸醋的日本番茄🍅，令人開胃。燒雞泡魚干燒得香口煙煙韌韌，滋味十足，送啤酒一流。燒雞扒好滋味，雞扒表皮燒得香脆，而肉質保持得滑溜。豚肉生薑燒、蘆筍豚肉串，半肥瘦嘅豚肉香口，鹹香好惹味。燒和牛小牛排🥩，食落啖啖肉，滑身軟綿，食得好滿足。燒芝士年 糕, 燒得外脆內軟，芝士香濃呈半熔狀態。燒雞全翼，雞皮夠嫩滑有咬口，相當唔錯😙。到居酒屋梗係叫番杯啤酒🍻，啤啤佢啦。依家外賣/堂食都有7折，相當抵食。