漁正居酒屋 (已結業)

漁正居酒屋🏮滿足到食拖羅既願望🐠.黎到居酒屋最開心既事，當然係食物選擇夠晒多，可以唔同種類咩都叫啲！最好梗係叫返杯啤酒🍻不過小編呢排飲得好多，所以是晚點左杯青提子汁🍇，入面有粒粒提子果肉.前菜好好食😍係蒟蒻同蘿蔔絲，整得好入味，味增醬油好出，令人開胃！之後就有幾份小食🙂龍蝦沙律🦞🥗入面龍蝦好大粒，夠爽口，口感因為蟹籽而加強了，如果份量再大啲就好啦日式炸雞🍗新鮮即炸，金黃色夠吸引，個皮薄得黎好脆，最怕就係厚粉，而呢道並無呢個情況～雞肉都煮得好嫩👏🏻田樂豆腐🙂個名好得意，孤陋寡聞既小編唔知原來田樂係味增醬再加啲蜂蜜同味醂，就咁食個醬覺得好鹹，但係連埋個豆腐食就剛好中和左，本身唔食豆製品的我都接受左因為味增味較突出😂.黎居酒屋當然唔少得食串燒🍢骨付豬肉腸夠晒油香🐷、日本青椒仔串好的骰第一次見、雞肝串由細到大都好愛🐔、日本大蔥串好爽！.吞拿魚刺身拼盤🐠不得了啦最愛呢個，一次過食晒大拖羅、中拖羅同赤身，好少對赤身咁讚口不絕，厚身唔在講，個魚味勁濃郁‼️😚🥰中拖羅著重油份，大拖羅油份同魚香味兼備～同場加映八爪魚刺身🐙刺身真心來貨靚，八爪魚咬落去係好鮮甜，淡淡海水味咁，唔係一味煙韌！.最後來點澱粉質吧