永年士多港式車仔麵 (加拿分道)

营业中

休息中

已經唔係第一次光顧永年士多，知道佢有一間元組店喺元朗，呢幾年搬咗嚟尖沙咀之後，仍然冇減顧客幫襯佢嘅意欲。呢日去到夜晚仍然係有一大條長龍光顧佢，唔知係咪撞正長假期，好多內地遊客都黎湊熱鬧。呢間店除咗食車仔麵之外仲有好多選擇，包括多士同特式飲品同不同時菜。我同朋友揀到花多眼亂，因為有好多唔同嘅餸菜可以選擇。知道佢哋呢度比較出名嘅係豬大腸以及係牛嘅部份。而我朋友就叫咗豬皮魚蛋等等嘅餸菜，嗰啲餸菜全部都新鮮同埋好入味。佢話佢好欣賞個陳皮魚蛋，食落去好有咬口。而我嗰碗就叫左流心蛋同豬大腸，流心蛋真係好有流心效果，睇到好治癒，食落去外面又唔會話太硬，軟腍腍好好味。每人結帳都係70幾蚊，有碗麵有嘢飲，仲有時菜算係抵食。