岩浪天扶良日本料理 (已搬遷) 新店位置

銅鑼灣既日式料理琳瑯滿目,往往都有唔少驚喜. 而今晚放工後同朋友試過呢間---岩浪天扶良日本料理一樣帶來難忘既體驗!首先前菜有溫泉鵪鶉蛋,南瓜水晶包同炸魚仔. 精美既擺盤同具創意既食材令人覺得幾特別. 而另一款前菜係紫蘇蟹黃豆腐,香濃既蟹黃配上清新既豆腐亦令人食指大動!我地今日order咗廚師發版既金套餐同幾款小食, 而刺身拼盤就係金套餐既主菜之一. 刺身包括吞拿魚腩,魷魚,油甘魚,北極貝,同劍魚. 呢到既刺身油脂香味濃厚, 而且刺身大大件偏厚身.絕對係味覺享受! 而最後壓軸既係白子刺身, 味道都幾特別. 雖然好唔好食頗睇個人口味,但勝在白子夠新鮮,抵贊! 另外金套餐仲有3款炸天婦羅包括鮑魚,炸蝦,炸蝦頭,同炸魚. 天婦羅每款食法都唔一樣. 而廚師發版既餐湯同其他坊間廚師發版既湯唔同. 岩浪天扶良係選擇時令鮮魚做湯,絕對比其他料理鋪既面豉湯具鮮味有誠意得多!當然唔少得金套餐既主菜,集錦壽司, 其中包括:吞拿魚腩,雪魚,海膽蟹肉等5款.款款都新鮮好味!當然我地試多少少野食都order咗幾款小食包括:七味炸手羽, 豚肉煮, 鯖魚煮, 同魷魚燒. 每款都別具特色. 其中我最中意係豚肉煮. 配