影片
更多
2022-12-25
127 浏览
今日，朋友話有間好好嘅日本推介，於是我地就去左尖沙咀厚福街鮨一度享用晚餐。上到餐廳之後，店員向我哋推介左一個12月嘅時令海膽套餐，由於我同朋友都係海膽嘅愛好者，因此我地就點左一個套餐啦。套餐一共有10道菜：雲丹魚子絹豆腐第一款就係呢個海膽魚子豆腐， 第一眼已經俾個賣相吸引，豆腐軟滑有豆味， 海膽creamy 同個豆腐好夾可以帶返出海膽的鮮味。魚子亦都係呢個菜當中，起到提鮮及調味的作用。平目薄切配乾燥雲丹粉平目魚切到好薄，配上乾燥嘅海膽粉，令到成個餸具有不同的層次感。 整個餸係比較清淡冇配上任何嘅汁， 因此你食到嘅只有，魚生嘅鮮味，海膽粉嘅酥脆以及紫蘇花嘅香氣。日本時令生蠔全晚其中一度最有印象嘅菜， 就係呢隻有成個手掌咁大， 來自日本岩手縣嘅令和怪物蠔。廚師亦在蠔試配上柚子啫喱同埋柚子絲，因此一入口嘅時候你會感受到淡淡嘅柚子香， 之後就會係蠔本身嘅牛奶味，重有好濃郁的蠔味。白蝦雲丹魚子醬他他鋪滿底部白蝦上面放上海膽，再配上魚子醬， 簡直係鮮上加鮮。 成道菜都冇額外嘅調味 ， 只係靠魚子醬本身的咸香。白蝦本身嘅黏稠感亦都好重。雲丹磯邊揚另一度非常之有特色菜， 喺海苔入麵包上海膽再用油炸。非
上到餐廳之後，店員向我哋推介左一個12月嘅時令海膽套餐，由於我同朋友都係海膽嘅愛好者，因此我地就點左一個套餐啦。套餐一共有10道菜：
雲丹魚子絹豆腐
第一款就係呢個海膽魚子豆腐， 第一眼已經俾個賣相吸引，豆腐軟滑有豆味， 海膽creamy 同個豆腐好夾可以帶返出海膽的鮮味。魚子亦都係呢個菜當中，起到提鮮及調味的作用。
平目薄切配乾燥雲丹粉
平目魚切到好薄，配上乾燥嘅海膽粉，令到成個餸具有不同的層次感。 整個餸係比較清淡冇配上任何嘅汁， 因此你食到嘅只有，魚生嘅鮮味，海膽粉嘅酥脆以及紫蘇花嘅香氣。
日本時令生蠔
全晚其中一度最有印象嘅菜， 就係呢隻有成個手掌咁大， 來自日本岩手縣嘅令和怪物蠔。廚師亦在蠔試配上柚子啫喱同埋柚子絲，因此一入口嘅時候你會感受到淡淡嘅柚子香， 之後就會係蠔本身嘅牛奶味，重有好濃郁的蠔味。
白蝦雲丹魚子醬他他
鋪滿底部白蝦上面放上海膽，再配上魚子醬， 簡直係鮮上加鮮。 成道菜都冇額外嘅調味 ， 只係靠魚子醬本身的咸香。白蝦本身嘅黏稠感亦都好重。
雲丹磯邊揚
另一度非常之有特色菜， 喺海苔入麵包上海膽再用油炸。非常之酥脆可口，亦食到好濃郁嘅海膽味， 絕對值得一試！
活燒白鰻雜菜卷
全晚我最喜歡嘅其中一道餸， 本人唔係太喜歡食鰻魚 因為平日食開嘅鰻魚感覺上比較多細刺， 食落口非常之唔爽快。 但係呢一道燒白鰻非常特別， 有別於平時食開嘅鰻魚壽司， 呢個燒白鰻食落嘅口感係非常爽口， 肉質非常彈牙，配上照燒汁同埋雜菜包成卷， 一道菜有兩種食法。好味又有趣。
壽司5點
相比起上面嘅餸菜，呢一度餸菜就正常發揮。 壽司亦都絕對好食， 只要魚生新鮮就足夠啦。
伊勢海老鬼殼燒配雲丹醬
另一道我最喜歡的菜就係呢一個伊勢海老，估唔到呢個價錢都有龍蝦可以食。 伊勢海老嘅肉質彈牙配上雲丹醬非常之惹味香口，師傅烹調嘅功夫十分有水準， 龍蝦唔會過熟亦唔會太生。
蛤蜊麵豉湯
麵豉湯配上大大嘅蛤蜊，蛤蜊亦十分鮮甜！
芝士蛋糕
估唔到甜品都有驚喜， 呢一度嘅芝士蛋糕非常之香濃軟滑，比起出面好多所謂嘅打卡cafe都仲要整得好。當然呢度係一間日式餐廳，如果佢配返嘅係一啲和式甜品嘅話，相信會更加完整。
张贴
