心夜來潮 (已結業)

喺旺角行完街，買到成手都係戰利品嘅時候，淨係想搵返間就腳嘅餐廳食，咁啱又會比我遇上你嘅！原來呢度開到好晏㗎，去到凌晨4:00自己就未食過，潮式嘅醃製食物，見到有鮑魚食，試吓你先！凍凍哋，有少少甜味，又帶啲酒香咁，唔錯喎又勝瓜鮮甜白蜆湯好多蜆肉丫，味道鮮味。爆炒醬啫秋葵，離遠已經聞到陣香味啦，份量勁多丫，好夠鑊氣！超鍾意食鱔嘅我，見到鱔一定唔會放過！果然係令我失望呀！食落鱔肉好軟身，又夠味！一定一定要趁熱食丫！所以一嚟咗無耐就清晒啦！