漁正居酒屋 (已結業)

朋友知道我想吃日本嘢，今晚就帶我來到佐敦哩間日式居酒屋，地鐵站行2min就到，十分方便，入到店鋪，好有日本feel，店員好有禮貌，感覺舒服。燒鱈魚乾烘焗過嘅鱈魚片特別酥脆，吃完一塊停唔倒口。炸日本白蝦仔🦐來自日本的河蝦，加少少鹽炸脆已經好好吃，用來送酒一流。🦐🐠刺身拼盤點咗吞拿魚刺身三款(赤身、中拖羅、大拖羅）、甜蝦2隻、牡丹蝦4隻，拖羅充滿油脂香，有入口即融嘅感覺，刺身解凍做得好好，吃到鮮甜嘅味道，大滿足！😋😋居酒屋點少得燒物，柚子鹽燒白鱔，外皮燒得夠焦香，又保留到魚肉嘅香滑，正！番茄🍅豚肉卷🍢、蘆筍豚肉卷、冬菇串🍄味道都唔錯，雞皮串好有驚喜，燒到好香脆，唔喜歡吃雞皮嘅我都好like。田樂豆腐燒過嘅豆腐卜上面加咗田樂味噌，有雙重口感，幾特別，值得一試。🐷苦瓜炒豚肉沖繩苦瓜微甘嘅味道配埋滑蛋真係好夾，啱曬熱辣辣嘅夏天吃。最後吃埋碗稻庭烏冬🍜真係好滿足，昆布清湯底，烏冬夠煙韌，味道唔錯。