榮記粉麵

营业中

休息中

因為最近聽到朋友嘅推介，先知道銅記嘅榮記車仔麵係好出名，所以行開銅記決定嚟誠下！食嘅時間係夜晚啱啱好六點嘅時間，不過都唔係太多人，一入到去就有位坐，入到去好快就有姐姐問你想要食咩，不過因為第一次嚟就唔似其他熟客咁好快就點到嘢食。諗左一陣最後決定要個豬大腸，粉腸同牛筋河，嚟到發現佢嘅份量係比一般車仔麵嚟講係會細小小，係因為佢嘅碗會比出面嘅細小小，不過對於女仔嚟講唧話其實係無問題。佢哋嘅豬大腸同牛筋都好鬆軟好入口亦都好吸到滷水嘅味道，呢兩樣好值得下次再食，而粉腸相對上就比佢哋遜色小小，無咩特別。不過聽朋友講其實最出名嘅應該係佢哋嘅豬紅，呢個下次會嚟再試！