港晶軒

营业中

休息中

11月約閨蜜食生日飯，佢對食物好有要求，今次訂位時預訂埋金錢雞，因為呢個菜係要預先幾日訂先至有得食架。金錢雞做法好考功夫同埋花時間，上面係一層冰肉中間係雞潤下層豬肉，冰肉要幾日先可以做成。咬落口感爽而不膩，甘香味美，正呀！壽星女梗係要食啲特別嘅嘢啦，整咗個陳皮蒸鮑魚佢嘆，蒸到啱啱好，口感爽滑，非常好味。桶蠔肥美香氣四溢，與薑蔥燒腩碰撞非常惹味。這個咕嚕肉真係不可不吃，外脆內軟，肉汁豐潤，好開胃。既然係生日飯，梗係要點個蟠桃應景一下最後仲有美味蓮子紅豆沙送添，實在係完美的一餐。