影片
更多
2023-05-19
168 浏览
今晚約朋友食飯，佢喺呢區返工，搵到呢間中菜館，係自家製品牌，手作點心係現場即點即做。就食呢間啦！ 燒味拼盤有海蜇、燒肉同豉油雞，海蜇爽脆彈牙，燒肉皮夠脆，豉油雞嫩滑。豉汁帶子豆腐食得出係新鮮帶子，豉汁嘅鹹味釣出帶子嘅鮮味，相映成趣。金銀蛋豬膶莧菜皮蛋同鹹蛋嘅鹹香，加上用上湯去浸莧菜，味道濃厚。最鍾意食呢個菜式嘅蒜頭，又甜又腍。要讚下個豬膶勁大塊又厚切！而且非常軟嫩，唔會過火，生熟度啱啱好！ 柚皮鵝掌傳統粵菜，唔係度度都有。呢道菜完全體現到師傅嘅功力。柚皮唔苦澀，索晒鮑魚汁同鵝掌嘅膠質，又唔會腍到一坺嘢咁。鵝掌都好入味，有咬口。 原來師傅曾經喺東京富麗華就職多年，服務過好多高管達人同明星。返香港之後喺多間米芝蓮酒店同大型連鎖酒樓集團做主管，經驗豐富！厲害厲害👍🏻
燒味拼盤
有海蜇、燒肉同豉油雞，海蜇爽脆彈牙，燒肉皮夠脆，豉油雞嫩滑。
豉汁帶子豆腐
食得出係新鮮帶子，豉汁嘅鹹味釣出帶子嘅鮮味，相映成趣。
金銀蛋豬膶莧菜
皮蛋同鹹蛋嘅鹹香，加上用上湯去浸莧菜，味道濃厚。最鍾意食呢個菜式嘅蒜頭，又甜又腍。要讚下個豬膶勁大塊又厚切！而且非常軟嫩，唔會過火，生熟度啱啱好！
柚皮鵝掌
傳統粵菜，唔係度度都有。呢道菜完全體現到師傅嘅功力。柚皮唔苦澀，索晒鮑魚汁同鵝掌嘅膠質，又唔會腍到一坺嘢咁。鵝掌都好入味，有咬口。
原來師傅曾經喺東京富麗華就職多年，服務過好多高管達人同明星。返香港之後喺多間米芝蓮酒店同大型連鎖酒樓集團做主管，經驗豐富！厲害厲害👍🏻
4 浏览
0 赞好
0 留言
3 浏览
0 赞好
0 留言
张贴
