漁正居酒屋 (已結業)

漁正居酒屋最近新開業不久，新張期內，外賣自取六折，堂食七折！所以好受歡迎，當日座無虛席，建議大家要預先訂座！前菜 - 枝豆龍蝦沙律味道鮮甜又開胃！雞泡魚干口感微微煙韌，味道香甜，點少少沙律醬更滋味！芥辣八爪魚八爪魚爽口彈牙，加上少許攻鼻嘅芥辣，好醒神！牛舌串味道濃厚，正呀！雞腎串爽口有嚼勁！鴨心串口感軟淋，加少許七味粉更好！雞皮串炸至香脆可口，油香四溢，好邪惡！日本大蔥串燒至熟透，散發出甜味！溏沁鵪鶉蛋串加埋醬汁一齊食，唔錯！八爪魚刺身口感清脆彈牙，味道較為清淡！三文魚刺身鮮甜美味，肥美軟嫩！油甘魚刺身魚油香味突出，新鮮爽甜！炸豬肉餃子餃子皮薄又脆口，內部餡料夠juicy，好美味！蒲燒鰻魚鰻魚夠肥美，配上鹹中帶甜嘅鰻魚汁，nice!燒芝士年糕外層燒至微微香脆，內裡非常Q軟，加上半溶嘅芝士，yummy!泡菜炒豚肉香辣開胃嘅泡菜配上軟嫩嘅豚肉片，好味道！Suntory 啤酒新張優惠買一送一，好抵呀，必點！