日嚐

营业中

休息中

次次經過紅磡都見到呢間小店都排晒長龍，座無虛席，今次趁早，未使排隊就試一試。餐廳位置唔多，但木色裝修和風溫馨套餐可以選擇配飯、蕎麥麵或者烏冬，烏冬亦有多款湯底可以選擇，而手工沙律亦有8款可以配搭。慢煮美國封門柳配柚子胡椒鹽。封門柳肉味香濃，用慢煮手法烹調，令到牛肉唔會變韌。慢煮黑毛豬配蘋果肉桂蓉黑毛豬肉質軟嫩，配搭蘋果蓉更加清新可口。慢煮泰式雞配泰式辣汁雞扒厚切，帶有微微香料味。因為每款肉類都係慢煮關係，完全可以保持到質感。3個套餐手工沙律分別揀左青蘋果紫薯球，和風茄子同南瓜佃煮。而青蘋果紫薯球最吸引，紫薯口感綿密，再將爽脆嘅青蘋果撈埋一齊，清新開胃。整體食物質素不錯，難怪長期係排隊鋪頭。