幸屋

营业中

休息中

好友約我去位於灣仔機利臣街5-9A號維昌大廈地舖的《幸屋》食拉麵，小店型式經營，環境舒適，樓底好高，裝修富有日式風情。我點左個 帶子鯉魚湯赤雞胸拉麵，好友點左個 櫻花蝦味噌拉麵，小食係 雞皮餃子（4隻），日本芝士年糕（2件），飲品係熱烏龍茶。帶子鯉魚湯赤雞胸拉麵材料豐富，鯉魚湯底鮮甜，2隻帶子好厚肉又好味，赤雞胸肉質嫩滑好食，拉麵的麵質爽口彈牙👍；櫻花蝦味噌拉麵賣相不錯，2大片义燒非常好味，櫻花蝦份量多又好食；雞皮餃子好香口，雞皮有些煙韌，餡肉飽滿；日本芝士年糕芝士味濃有咬口；熱烏龍茶好解渴。