永年士多港式車仔麵 (加拿分道)

营业中

休息中

住元朗咁耐都冇幫襯過永年，估唔到第一次幫襯喺係佢嘅尖咀分店。41蚊就食到三送一面，其實價錢已經大眾化。 太太叫咗菜、紫菜、同韭菜餃粗麵，而我就叫咗牛筋、大腸、墨魚丸幼麵。呢度嘅湯底令我又愛又恨。愛嘅就係佢嘅湯底夠熱，而恨嗰方面就係佢嘅甜度到甜得有點過分， even 我叫咗小辣汁都仲覺得好甜。太太碗面其實有幾多菜心，不過紫菜就要食到底先見到，而韭菜餃就似灣x碼頭嘅出品。我碗啲牛筋蚊得唔夠淋，大舊嘅都仲好硬。大腸沖得夠乾淨，冇乜肥膏同壓味。 墨丸都係出面買返嚟。加15蚊就有杯奶茶紅豆冰，不太甜，啱我口味。