船皇 (謝斐道) (已結業)

同事推介，Lunchtime就去咗銅鑼灣食船皇。湯底絕對係個精粹所在 好濃郁 🤤🤤 麵底有幾款唔同嘅選擇，我試咗河粉，係好寬大嘅一條條，亦都好滑。有同事叫咗金邊粉味道都不錯。而叫咗蛋麵嘅同事就話唔單只彈牙，份量亦都好多，睇嚟下次我都應該叫蛋麵。豬皮亦都好脆，浸落湯食或者就咁當小食都好好味。有同事叫咗和牛船麵，只係加一蚊，佢哋對和牛讚不絕口，下次再嚟一定要加。飲品方面我叫咗熱奶茶，其他人就叫咗凍奶茶、水果茶、龍眼冰，凍飲會用一個金屬碗裝，可以保持到個溫度冰涼而又唔會溝淡，個金屬碗都幾特色，又有泰國嘅味道，下次一於唔好咁養生飲下凍飲😂