陳儀興玫瑰餐廳

营业中

休息中

玫瑰餐廳陳儀興，相信住係新蒲崗既人一定唔陌生。今日八點去到，幾乎座無虛席，入到去有香濃嘅椰子味道彌漫整間餐廳。餐廳主打港式邊爐，而今次我就試咗花雕醉雞煲，夠曬特別～湯底由各式藥材一同熬制，酒味同藥材味道不算濃，唔鐘意酒味同藥材味既人都岩食。雞件有淡淡酒香，口感尚算嫩滑，唔錯。不過如果可以斬件斬得徹底啲，進食就更加方便～安格斯牛牛味十足，口感唔會太un，加埋火鍋醬油味道岩岩好。雖然只嗌左細份，但份量都不容小覷。我地仲嗌左蟹柳，竹笙，雲吞同埋各款蔬菜。凍檸樂消暑解渴，夠曬冰涼。價錢親民，食物質素唔錯，下次黎想埋海鮮！