十下火鍋

相約朋友黎呢間走港式懷舊風格既高質火鍋店「十下」。餐廳環境充滿特色同香港既舊日情懷，就連播放既音樂都係80-90年代既粵語歌，好有氣氛！主打邊爐既十下火鍋湯底同配料選擇都幾多。有選擇困難既話不妨點佢哋嘅套餐。兩個人過黎食點二人套餐就已經足夠豐富！套餐包括自選湯底(湯底可以揀鴛鴦)，同埋手切本地牛頸脊、花雕醉雞、三寶滑、鳳城水餃、麻辣鴨血、懷舊果皮魚蛋、炸響鈴、蔬菜拼盤，仲有飲品添。可以加$15升級轉冬瓜茶/洛神花茶/酸梅湯！我地點左洛神花茶，佢係一jar份量，同火鍋絕配。湯底可以揀鴛鴦真係好好！試到唔同既口味，有辣有唔辣，照顧唔同人口味。今次揀左養生豆乳白鍋同埋酸菜辣肉鍋。白鍋嗰款湯底好鮮甜仲好重藥膳味添。打邊爐之前飲左好幾碗！酸菜辣肉鍋都幾足料，入面有好多酸菜同埋五花腩肉，入面既筍都好味，呢款惹味得黎又唔會太油膩！配料方面質素都高。本地牛頸脊肉味香濃，肉質夠軟！花雕醉雞既雞肉好有彈性。三寶滑有牛筋滑、墨魚滑同埋蝦滑，食得出好真材實料！尤其墨魚滑同蝦滑鮮味十足又彈牙！麻辣鴨血係小食，鴨血滑溜溜入晒味。響鈴索湯一流！鳳城水餃餡料飽滿，而且皮夠薄。陳皮魚蛋係最有港式情懷既一款配料，味道唔錯