影片
更多
2023-08-11
22 浏览
今晚約咗閨蜜去食日本嘢，為咗慶祝閨蜜搵到新工，決定去食Omakase 賀一賀佢！呢間位於上環嘅Yashima唔難搵，未入去已經比人一種清新脫俗嘅感覺！入到去見到Omakase師傳係到埋頭苦幹，準備食材！佢嘅Dinner set都唔需要揀，一共有十道菜！店員會問你有冇食物敏感/唔食d咩。🥢前菜第一道前菜選用日本蕃茄及松葉蟹做主要食材，混合製作成一個啫喱杯。日本蕃茄有微微嘅酸味，用來做前菜好開胃！面頭再配上北海道海膽同魚子醬，點綴左個鮮味！🥢前菜第工道前菜係用左酒、辣椒、醋及醬油生醃日本渡蟹！蟹肉口感細滑，配搭上濃濃嘅蟹糕，好好味！本身佢嘅醃料唔算太濃味，咁樣先可以食到蟹嘅鮮味！🥢刺身第一道刺身係石垣貝，師傅係你面前即開石垣貝，十分新鮮！石垣貝好爽口！🥢刺身第二道刺身係九繪魚，日本石斑嘅一種，配搭上自家製嘅酸汁啫喱，仲有少少辣蘿蔔蓉一齊食，成個配搭好match! 🥢燒物是日精選燒物係牛油煎黑鮑魚做主角，橙色的是日本南瓜蓉，鮑魚好厚肉，配上少少cream 意粉係底，成件事好fusion！重點係旁邊嘅鮑魚肝醬，點一點再食就食到鮑魚嘅原汁原味！🥢油物一共有三款天婦羅：虎魚天婦羅、白肉粟米、芋泥天
入到去見到Omakase師傳係到埋頭苦幹，準備食材！佢嘅Dinner set都唔需要揀，一共有十道菜！店員會問你有冇食物敏感/唔食d咩。
🥢前菜
第一道前菜選用日本蕃茄及松葉蟹做主要食材，混合製作成一個啫喱杯。日本蕃茄有微微嘅酸味，用來做前菜好開胃！面頭再配上北海道海膽同魚子醬，點綴左個鮮味！
🥢前菜
第工道前菜係用左酒、辣椒、醋及醬油生醃日本渡蟹！蟹肉口感細滑，配搭上濃濃嘅蟹糕，好好味！本身佢嘅醃料唔算太濃味，咁樣先可以食到蟹嘅鮮味！
🥢刺身
第一道刺身係石垣貝，師傅係你面前即開石垣貝，十分新鮮！石垣貝好爽口！
🥢刺身
第二道刺身係九繪魚，日本石斑嘅一種，配搭上自家製嘅酸汁啫喱，仲有少少辣蘿蔔蓉一齊食，成個配搭好match!
🥢燒物
是日精選燒物係牛油煎黑鮑魚做主角，橙色的是日本南瓜蓉，鮑魚好厚肉，配上少少cream 意粉係底，成件事好fusion！重點係旁邊嘅鮑魚肝醬，點一點再食就食到鮑魚嘅原汁原味！
🥢油物
一共有三款天婦羅：虎魚天婦羅、白肉粟米、芋泥天婦羅，天婦羅一啲都唔油膩感，配上昆布芡汁清清地好味！
🥢蒸物
主角係赤鯥魚 ，仲有花竹蝦，底下有冬瓜茄子，加上昆布湯，又係另一fusion菜！魚肉夠鮮甜，蝦好彈牙！
🥢壽司
- 地金目鯛魚，魚皮係輕輕火炙過，有油脂香味
- 魷魚夠厚切，一口咬落去好滿足
- 梳子魚
- 牡丹蝦好鮮甜
- 愛知縣象拔蚌好爽口
- 石鯛魚
- 北海道赤海膽，底下配上蝦肉，好鮮甜
- 清森縣大間中拖羅
- 江戶前玉子，好似食緊蛋糕咁
🥢湯
食完咁多生冷嘅壽司之後，飲返碗白麵豉湯暖一暖個胃就啱晒啦！麵豉湯用咗大量嘅魚鮫同山海葵去熬製，清清地好好飲！
🥢甜品
最後師傅為我哋準備咗靜岡縣蜜瓜、乳酪奶凍、法式焦糖燉蛋作為一個結尾！
整體來講，今次嘅Omakase經驗好好，環境舒服、食材夠新鮮、師傅好用心製作！
张贴
