影片
更多
2019-07-29
47 浏览
每次行經赫德道，都會覺得呢間日式輕食店既燈光好溫馨🏮，好似返左屋企食飯咁。晚餐主食選擇有四種，岩哂選擇困難症既人😆。除左主食之外，仲有湯／沙律／燒物／小食可以加配，食材大多都係黎自日本既地區，非常吸引😻。我地坐吧枱，原來吧枱下面有個小木勾比你放袋，仲有埋叉電位添，好貼心！-廣島蠔橄欖油漬 $68廣島蠔肉質飽滿，味道甘香👅，橄欖油既可以去除蠔既腥味🤙🏻，又可以封存蠔既鮮味，當前菜或者配飯食都好岩。-和王牛漢堡丼 $158店員好細心，上菜時會講解下點解個飯係紅色，原來係加左紅菜頭汁同紅酒汁🍷，所以食落會甜甜地😋，帶淡淡酒香。．熊本縣產既A5和王牛漢堡扒極厚身，和王貴為和牛之王🐂，牛味當然濃郁，漢堡扒大約五成熟，肉汁鎖得好好，所以一咬即刻爆哂啲肉汁出黎，好Juicy，入口香軟帶浸浸油脂香。．蛋黃唔使講當然係用日本蛋啦🥚！蛋香味十足，加上蛋黃被醬油醃漬過，所以唔需要調味已經好岩撈飯🍚！-豚雙味 $138豚肉炸得非常香脆，點少少西京赤豚汁食，好岩送飯😋！西京赤豚汁香甜濃郁，配料超多，有豚肉🐖、豆腐、蘿蔔、洋蔥，全部都好入味！不過略嫌肥膏有啲多，有啲油膩🤨。-開心果水蜜桃米粉班戟 $138一場黎到
除左主食之外，仲有湯／沙律／燒物／小食可以加配，食材大多都係黎自日本既地區，非常吸引😻。我地坐吧枱，原來吧枱下面有個小木勾比你放袋，仲有埋叉電位添，好貼心！
-
廣島蠔橄欖油漬 $68
廣島蠔肉質飽滿，味道甘香👅，橄欖油既可以去除蠔既腥味🤙🏻，又可以封存蠔既鮮味，當前菜或者配飯食都好岩。
-
和王牛漢堡丼 $158
店員好細心，上菜時會講解下點解個飯係紅色，原來係加左紅菜頭汁同紅酒汁🍷，所以食落會甜甜地😋，帶淡淡酒香。
．
熊本縣產既A5和王牛漢堡扒極厚身，和王貴為和牛之王🐂，牛味當然濃郁，漢堡扒大約五成熟，肉汁鎖得好好，所以一咬即刻爆哂啲肉汁出黎，好Juicy，入口香軟帶浸浸油脂香。
．
蛋黃唔使講當然係用日本蛋啦🥚！蛋香味十足，加上蛋黃被醬油醃漬過，所以唔需要調味已經好岩撈飯🍚！
-
豚雙味 $138
豚肉炸得非常香脆，點少少西京赤豚汁食，好岩送飯😋！西京赤豚汁香甜濃郁，配料超多，有豚肉🐖、豆腐、蘿蔔、洋蔥，全部都好入味！不過略嫌肥膏有啲多，有啲油膩🤨。
-
開心果水蜜桃米粉班戟 $138
一場黎到，當然要試下佢地既米粉班戟啦🥞，平時食開梳乎厘Pancake，但原來米粉班戟都幾好食🤪。
比起普通班戟，米粉班戟口感再實淨啲同煙韌啲，開心果醬濃郁香甜，帶少少果仁香，配班戟好夾🤙🏻，水蜜桃清甜多汁，好好食💋！
-
依家仲有一週年慶祝活動，只要係午市同晚市叫定食或主食，都可以$88加配水果芭菲💁🏻。水果芭菲有三款🍨，有蜜桃美人芭菲、蜜瓜美人芭菲同提子美人芭菲。
-
蜜瓜美人芭菲 $88（原價$108）
蜜庵本膳最出名既美人雪糕🍨，其實即係甘酒豆乳雪糕，食落甘酒味會出先🍶，之後先到豆乳味，幾有層次。
雖然係甘酒雪糕，但放心，係無酒精成分既🥰！
．
頂層既日本赤肉哈蜜瓜真心好好食🍈！因為雪到好凍，所以食落第一下有少少雪芭既感覺🍧。勁甜勁多汁，仲略略聞到啲哈蜜瓜香氣🤩～下層有意大利香檸啫喱同台灣茉莉茶寒天，酸酸甜甜好清新，做到解膩既作用😚。
-
日本天然山楂梳打 $38
餐牌話有助通便同消脂，點可以唔嗌😳！山楂酸酸甜甜好開胃，加上有梳打好消暑🍹，會令人忍唔住一啖接一啖咁飲🥳。
张贴
