Amici (已結業)

中環有間好隱蔽嘅西餐廳，餐廳以白色為主，加埋幾何形嘅燈飾，牆身掛左唔同嘅水彩畫，好有文藝氣息。枱凳以黑綠色為主，加埋湖水綠底淡黃色嘅窗簾，充滿住古典氣息。Purchase Seasonal Fresh Oyster今日嘅係法國生蠔，蠔身嘅賣相較瘦，但海水味好重，肉質好creamy，入口味道以咸為主，好新鮮。餐包。右邊嘅包好香嘅香草味，咬落好軟棉棉，陣陣香草味散發出黎。左邊嘅包蒜蓉味好香好吸引，食落好香口，點橄欖油更加出味。Pasta- Rigatoni Arrabbiatarigatoni係意大利通粉嘅一種，份量唔太多。意粉比較有咬口，入口有好香嘅蕃茄味，小小辣，仲有一啲煙肉同醃肉。Main Course - French Duch Medley有鴨胸、鵝肝同鴨肶。鵝肝煎到好香口，表面燶燶地，入面好嫩，表面有一啲海鹽鹹鹹地，同鵝肝嘅膩好夾。鴨肶煎得有小小乾身，但點埋汁食都幾好味。最欣賞嘅係鴨胸，鴨胸煮得半熟，仲有小小粉紅色，食落好嫩好嫩，唔似平時食嘅咁hi口。另外拌碟嘅薯蓉都好好味。餐廳環境好靜，都幾啱情侶同朋友係到傾計食飯。