第一郡 (已搬遷) 新店位置

第一郡個名原來係越南入面類似一個省咁嘅意思，見到個名就知係食越南菜嘅地方。去開深水埗揀幾間必食嘅餐廳，第一郡一定係其中一間，而且晚晚都會排隊，有時仲會偷偷地唔開，可以話想食都未必食到。今日繼續食番兩樣必食菜色：第一我覺得係越式法包 入面嘅醃蘿蔔同扎肉加埋鬆軟嘅法包，真係第二度都食唔到。😎第二就係佢嘅蟹糕，今次就配返檬粉，蕃茄湯加埋濃郁嘅蟹膏，亦都係絕配。入面嘅座位偏少，吧檯都佔咗十幾個位置，我觀察到呢度都做唔少外賣，喺開附近亦都可以外賣試下。