影片
更多
2022-09-27
42 浏览
識食一定要掃街，小食當正餐真係好正！幾十蚊可以食到好幾樣野，啱晒眼闊肚窄嘅我！一黎見佢哋啲串燒燒得好入味，而且有咁香噴噴，已經走咗過去叫左幾條。啱啱燒起嘅豬頸肉同雞肉真係冇得頂，濃濃嘅燒烤味加上孜然粉同自選醬汁，味道好夾，肉質口感好彈牙，好推介！除咗串燒，佢仲有煎炸脆口嘅嘢食，叫咗炸大腸同埋椒鹽炸燒賣。最鍾意都係食炸燒賣，少少懷舊嘅感覺，係呢度可以搵到～當然唔少得叫煎釀三寶，見佢有好多款選擇，而且每一舊嘅魚肉都釀得好好，唔會甩咗個餡，同埋魚肉都好彈牙入味，真係每款都值得試吓牛柏葉爽彈口，魷魚唔韌，爽口有肉食。外表雖然睇落比較普通，但係食落都幾入味，再點埋啲沙嗲醬更上一層樓，沙嗲醬辣度適中剛好，連唔食辣嘅朋友都話好食，非常惹味。其他熟食都唔差，食左非常彈牙嘅陳皮魚蛋同埋唔少得嘅燒賣。個重點竟然係辣醬，配合秘製辣醬會食到唔停口。跟住都食番碗最愛嘅碗仔翅，大碗又足料，有冬菇木耳粉絲彈花等等，濃稠度適中，不會太稀，亦不會落太多粟粉，最怕「杰撻撻」嘅碗仔翅，好似食粉咁。咁足料嘅碗仔翅現在很少有，讚！怕唔飽仲叫左個肉碎狗仔粉同埋芫荽銀針粉，本身冇乜特別但加左個秘製辣菜甫，味蕾即刻多咗層次感，所以中
一黎見佢哋啲串燒燒得好入味，而且有咁香噴噴，已經走咗過去叫左幾條。啱啱燒起嘅豬頸肉同雞肉真係冇得頂，濃濃嘅燒烤味加上孜然粉同自選醬汁，味道好夾，肉質口感好彈牙，好推介！
除咗串燒，佢仲有煎炸脆口嘅嘢食，叫咗炸大腸同埋椒鹽炸燒賣。最鍾意都係食炸燒賣，少少懷舊嘅感覺，係呢度可以搵到～
當然唔少得叫煎釀三寶，見佢有好多款選擇，而且每一舊嘅魚肉都釀得好好，唔會甩咗個餡，同埋魚肉都好彈牙入味，真係每款都值得試吓
牛柏葉爽彈口，魷魚唔韌，爽口有肉食。外表雖然睇落比較普通，但係食落都幾入味，再點埋啲沙嗲醬更上一層樓，沙嗲醬辣度適中剛好，連唔食辣嘅朋友都話好食，非常惹味。
其他熟食都唔差，食左非常彈牙嘅陳皮魚蛋同埋唔少得嘅燒賣。個重點竟然係辣醬，配合秘製辣醬會食到唔停口。
跟住都食番碗最愛嘅碗仔翅，大碗又足料，有冬菇木耳粉絲彈花等等，濃稠度適中，不會太稀，亦不會落太多粟粉，最怕「杰撻撻」嘅碗仔翅，好似食粉咁。咁足料嘅碗仔翅現在很少有，讚！
怕唔飽仲叫左個肉碎狗仔粉同埋芫荽銀針粉，本身冇乜特別但加左個秘製辣菜甫，味蕾即刻多咗層次感，所以中意食辣嘅朋友真係要試下！
疫情關係，而家都要外賣返去食。雖然冇即食熱辣辣咁吸引，但返到去食物都尚算保持到水準，如果即食一定更加正！同埋難得一間小食店可以有咁多款選擇，仲可以夜晚晚落到單，真係深宵食堂好選擇！
张贴
