裕記大飯店

营业中

休息中

元朗行完山，傍晚時分。駕車回程途經深井，心癮突起，入去裕記外賣半隻燒鵝，盛惠$200，打算回家細嚐。一路上，燒鵝香味洋溢車內，真是令人食指大動，心諗今次一定大飽口福了。回到家，迫不及待打開飯盒，只覺香味撲鼻，馬上夾起一塊品嚐，鵝皮雖不脆，還算好味。但一咬到鵝肉，馬上大失所望，肉質有點"梅＂，味道亦有點怪，沒有燒鵝應有的惹味。但覺愈食愈難食，普通得不能再普通，甚至比我家樓下的茶樓28蚊一碗的燒鵝瀨還要難食。唔怕老實講，這是我第一次食裕記，之前久仰大名，但現在我的心境，由充滿希望喜悅跌落到失望懊惱，實在接受唔到這種落差。亦都難以明白，為何一家以燒鵝聞名起家的食店，竟不好好保持自己的水準，以這樣的食物質素招呼客人，同砸自己招牌有咩分別？客人不是傻瓜，只靠賣名氣的日子不會長久，也終會逝去。奉勸一句，建立好的名聲可能需要十年，但毀壞只需一日！