影片
更多
2025-06-16
1426 浏览
有去過港島香格里拉食自助餐既朋友相信都了解到，佢哋既海鮮環節好吸引，不過今期仲誇張，因為有個加強版既海鮮美食坊主題，海鮮迷萬勿錯過。點樣誇張法? 即刻同大家睇下。單是凍海鮮，已有鮑魚、琵琶蝦、麵包蟹、三點蟹、翡翠螺、海蝦、蜆等等，陣容相當強勁，細食既朋友，可能食完個冰鎮海鮮已經飽左。兩大竹簍內，就是熱氣騰騰的蒸龍蝦，以及帶子。前者清蒸，保留龍蝦之原味，吃起來啖啖肉，又夠嫩口。帶子以常見的蒜茸粉絲去蒸，肯定好吃。熱葷都是處處海鮮蹤影，譬如有惹味既避風塘炒羅氏蝦，火辣的泰式冬蔭功煮螺，我最愛既糯米蒸花蟹等等，菜式有辣有唔辣，任君選擇。見到個放滿花膠既玻璃櫃，即時雙眼發光。秘製翡翠鮑汁慢火煨製花膠，店員會細心地逐一幫客人分好，醬汁濃郁，花膠質感爽滑，自助餐食到呢個水準，抵讚！朋友拿了一碗蟹肉花膠撈粗，細食既我，怎樣也要淺嚐一口。畢竟如此奢華的自助餐粉麵檔，實屬罕見。自助餐既魚，多半清蒸做法，迎合大眾口味。估唔到有酸菜海鱸魚食，我歡喜。壽司刺身檔口，平時我好大機會會略過，但今次停下了腳步，為的是那無限添加的三文魚籽丼，自行將海量的三文魚籽注入吞拿魚蓉丼內，非常之療癒。除左勁豐富的海鮮外，呢度既
有去過港島香格里拉食自助餐既朋友相信都了解到，佢哋既海鮮環節好吸引，不過今期仲誇張，因為有個加強版既海鮮美食坊主題，海鮮迷萬勿錯過。
點樣誇張法? 即刻同大家睇下。
單是凍海鮮，已有鮑魚、琵琶蝦、麵包蟹、三點蟹、翡翠螺、海蝦、蜆等等，陣容相當強勁，細食既朋友，可能食完個冰鎮海鮮已經飽左。
兩大竹簍內，就是熱氣騰騰的蒸龍蝦，以及帶子。前者清蒸，保留龍蝦之原味，吃起來啖啖肉，又夠嫩口。帶子以常見的蒜茸粉絲去蒸，肯定好吃。
熱葷都是處處海鮮蹤影，譬如有惹味既避風塘炒羅氏蝦，火辣的泰式冬蔭功煮螺，我最愛既糯米蒸花蟹等等，菜式有辣有唔辣，任君選擇。
見到個放滿花膠既玻璃櫃，即時雙眼發光。
秘製翡翠鮑汁慢火煨製花膠，店員會細心地逐一幫客人分好，醬汁濃郁，花膠質感爽滑，自助餐食到呢個水準，抵讚！
朋友拿了一碗蟹肉花膠撈粗，細食既我，怎樣也要淺嚐一口。畢竟如此奢華的自助餐粉麵檔，實屬罕見。
自助餐既魚，多半清蒸做法，迎合大眾口味。估唔到有酸菜海鱸魚食，我歡喜。
壽司刺身檔口，平時我好大機會會略過，但今次停下了腳步，為的是那無限添加的三文魚籽丼，自行將海量的三文魚籽注入吞拿魚蓉丼內，非常之療癒。
除左勁豐富的海鮮外，呢度既燒味都唔弱，叉燒是半肥瘦，入口鬆軟。油雞同埋燒鴨，睇個樣已好吸引。
請師傅幫手切兩塊燒牛筋骨，來滿足食肉獸既筆者。唔使多解釋，帶骨的部位肯定更精彩。
今期更加加入了清真認證專區，又紅菜頭，又茄子又蔬菜卷咁，好緊貼市場喎！
甜品從來是這裡的強項之一，各式蛋糕既精緻又美味，款式仲要包羅萬有。朱古力蛋糕、芝士撻、杯子蛋糕，每樣一件半件，甜胃都已夠滿足。
當然，仲有跟低調高手大街小食合作既夾餅和雞蛋仔，與泰昌餅家合作既蛋撻，都是不容錯過的。
张贴
