埠 (已結業)

早排一家人去左西灣河一間新新地食日式串燒店食飯，老家實實初初真係無太大既期望又唔就腳，點知係高質串燒店！先不講味道，價錢真心同出面普通既日式串燒店差唔多，但裝修好日式而且坐得好舒服！驚喜位係佢會有個熱石座住令串燒唔會輕易變凍，好貼心！食物方面，因為實在太多野，所以就精選幾款最好味既黎介紹啦！紅菜頭蘿蔔沙律做前菜，酸酸甜甜好開胃月見紫蘇免治雞肉棒：自家製無買返黎既咁死實，肉質較鬆化而且肉汁好多，紫蘇味好突出但都算夾，燒到岩岩好，加埋雞蛋好味！雞翼：點都無諗過我會介紹雞翼！雞翼無咩特別既調味可以做，所以燒工係好重要！佢燒得外脆，雞皮油份燒晒出黎滲入左雞肉，所以好juicy , 好出色。粟米清甜，是簡單的美食。面頭的牛油令味道提升！豚大腸：點都估唔到會有豬大腸，醬汁調味好濃入味，燒香表面但入面軟熟無膏，簡單而好味！牛舌：最愛既牛舌都係高水準，爽口唔過熟，一咬落去爆晒啲汁出黎，諗起都覺得正！總括黎講，所有既串燒同做得好出色而且價錢非常合理，所以如果唔介意行遠少少既話，絕對係性價比高既串燒店。