154
1
2
电话号码
24935333
开饭介绍
位于码头旁,环境宁静。整排落地玻璃,可望到码头海景。餐厅设有吧台及普通座位,串烧用上一个热石小炉盛载着上台,保持热度。串烧调味简单为主。 继续阅读
营业时间
今日营业
12:00 - 15:00
18:00 - 22:00
星期一至日
12:00 - 15:00
18:00 - 22:00
公众假期
12:00 - 15:00
18:00 - 22:00
公众假期前夕
12:00 - 15:00
18:00 - 22:00
*最后落单时间:14:00/21:00
付款方式
Visa Master 现金 美国运通
座位数目
32
其他资料
Wi-Fi
酒精饮料
切蛋糕费
包厢
泊车
电话订座
加一服务费
海景景观
食记 (167)
等级4 2020-06-05
1829 浏览
有人话想去太安楼扫下街,我就话想去soho east,咁一人一餐,fine🙌🏻Soho East最後拣左呢间响正西湾河码头嘅居酒屋——埠。呢餐系真正贴住海岸线嘅餐厅,仲有露台位,可以见到渡轮靠岸上落客。比起同朋友谈心,我更锺意响度望住个海静静地食野。餐牌入面嘅价钱全部都唔算好贵, 每一样嘢都想试下,串烧上枱嘅时候有热石炉保温, 唔会热到食物乾晒但系又唔会冻左,食物质素得到保持。串烧首推系白鳝,味鲜肉够实净,再来系墨鱼肠,食出墨鱼肉好鲜味兼冇味精嘅味。另外再推就系牛舌,佢有一定厚度,咬落去好多汁好鲜味,牛肉味非常之浓烈。另外一个推荐嘅小食系芝士年糕, 呢个应该系我喺香港食过最有水准嘅芝士年糕,表面系香脆,个心充满芝士而且好柔软。另外一个值得推荐嘅配酒前菜就系酒盗芝士, 酒盗其实系用唔同鱼嘅肝脏,腌渍完之後出嚟嘅一个酱,配埋佢嘅芝士味道有啲咸,但系饮一啖啤酒就刚刚好。本身酒盗嘅意思就系食咗呢样嘢会令你饮多咗好多酒,所以呢个小食绝对无改错名。👍🏻 继续阅读
(以上食记乃用户个人意见 , 并不代表OpenRice之观点。)
等级4 2020-05-09
1434 浏览
系西湾河海旁原来都有隐世串烧美食,其实一听个名就应该知道呢间餐厅大概为处於海边,入到去唔洗点等位,如果想坐正系海隔离就要一早book 定啦。呢间无论是环境和食物嘅级数都系附近认为食过数一数二咁好。蟹子沙律,就系有啊青瓜丝蟹柳丝同埋蟹子造成,当中觉得最欣赏嘅地方系青瓜每一条嘅粗幼程度都系一样,所以成个口口感会非常之一致,而青瓜其实都非常之爽甜,食落去会打开咗你个味蕾,虽然份量唔算好多不过作为头盘呢个系非常之唔错。大葱鸡腿肉,大葱本身嘅味道其实系非常之浓烈不过夹埋鸡俾肉咁样食就非常之夹,会令到冲嘅味道完全融入左鸡脾肉入面,大葱面头得非常之香,一上枱已经闻到非常之大浸嘅味道,而鸡脾肉就非常之多汁,面头美味烧到香脆,入面锁死晒啲肉汁。鸡翼即刻烧完即刻上枱热辣辣呢个系基本嘅,然後唔会有过多嘅调味剩系得少少盐已经非常之足够,会食到鸡肉嘅油脂同埋肉汁, 每一只鸡翼都几大只烧嘅时间亦都啱啱好 入面嘅肉系处於最嫩滑嘅时候唔会老晒。冬菇就略嫌面头有少少烧得太黑不过菇味道重嘅,而且都爽口。如果入面可以再多番少少汁同埋调味会更加好。豆腐方面都系一样少嘅时间好似有啲太长所以免头黑咗少少。御饭盛,面头系大量嘅大葱青葱,海苔和一对香料而成食之前要捞埋下面嘅米饭感觉上就好似高级版嘅日本饭加上一大堆的饭素,虽然感觉上好似冇咩肉会好斋,不过食食吓都食到当中点解啲人会叫嘅原因,例如食返米饭本身嘅香味,而家再入不同嘅香料就会令到米饭嘅层次更加多虽然唔系太知道真正嘅食法系点,不过总括而言呢个饭都几新奇嘅冷稻庭乌冬,佢同一般急冻乌冬或者手打乌冬唔同,食落去嘅质感系非常弹牙同埋好需要咬口,一啖乌冬沾上旁边嘅专用豉油,虽然份量唔系好多不过感觉上呢个乌冬都几高质。最後职员嘅服务态度非常之好会得闲就过嚟收碟等等,而且上菜都会有返应有嘅次序唔会一次过上晒令到食物食嗰阵会冻咗 继续阅读
(以上食记乃用户个人意见 , 并不代表OpenRice之观点。)
不要说咁样真系得?试着说不如试左先啦;不要说我觉得好哂时间,试着说赚个经验,当交学费罗;只要调教一下自己心态,睇既野原来真系唔同,扩大自己眼光,自然唔会忽略日常生活中既小细节,令自己活得更加精彩。好似原来西湾河除左太安楼夜市可以扫街之外,系西湾河码头就有间隐世既居酒屋「埠 - Hatoba Japanese restaurant」一边对住个海,一边思考下人生哲理,写意呢两个字咪就系咁解!👇📌お肉 - ▪ 牛タン - $52▪ アメリカ牛肉 - $64▪ アスパラ豚肉巻き - $38▫ 黎得居酒屋,串烧就走唔甩啦,先试左个「牛舌」先,质感够厚身,里面咬落好似食紧棉花糖咁,非常软腍。入口带少少赵口,牛味够突出,唔错;再黎「葱蒜牛肉」,锺意浓味既朋友有福了,调味均匀适中,系面前有个热石炉保持温度,咁样可以保持住食物既品质,呢点值得大赞;而食落肉质够爽口嫩滑,散发住淡淡既牛香味,肉汁系口腔里面瞬间爆发,一个字正;试埋个「豚肉露笋卷」,薄薄一浸既豚肉切片卷住新鲜既露笋,露笋食落够清爽,加埋豚肉香,两者味道好夹,抵赞!📌お食事 -▪ ネギとあられの釜めし - $78▫ 最锺意有生鸡蛋既釜饭,所以苛呢个「月见香葱脆脆釜饭」一定系我必点之一。用上日本新鲜鸡蛋、大量紫菜、香葱、芝麻再混合蒜蓉黎形成个釜饭既底,捞匀之後闻到相当浓烈既香味,食落蛋味十足,酱油唔会盖过本身既材料,而饭粒用左日本珍珠米,入口相当软绵!▪ ズワイガニの锅焼きうどん - $118▫ 另一主打我会推介佢地既「松叶蟹肉锅烧乌冬」,蟹肉本身唔会连壳,食起上黎够方便,唔洗再人手拆肉,呢点抵赞。蟹肉食落新鲜,爽口嫩滑,加上乌冬扁身,入口爽滑弹牙,配搭埋汤头一齐食,份外鲜甜。唔好睇佢细细煲,两个人都食都岩岩好。▪ かにみそ · おにぎり - $138▫ 好特别既「甲罗烧拼松叶蟹肉饭团」,饭团里面用左蟹肉,卖相睇落好似粒大带子咁,入口外脆内软,几特别;而旁边就将蟹肉酿入蟹盖黎烧,系烧到咁上下再放埋鹌鹑蛋搅匀,食落鲜味突出,蟹既香味彷佛系你身边绕过,相当满足。 继续阅读
(以上食记乃用户个人意见 , 并不代表OpenRice之观点。)
等级3 2020-06-30
188 浏览
男朋友话今日想带我食日本嘢,本身以为佢会好hea的我去商场食大集团,点知佢竟然车咗我嚟码头!嗅到阵阵海水味,听到海浪声,以为自己去咗旅行!原来有间日式小店㗎呢度!入到嚟,装修好日式! 唔系大间,更显得地道 一坐底友善嘅店员已放下两杯热茶我哋先叫个沙律 - 日本水菜蕃茄沙律大大个蕃茄非常新鲜Juicy! 配埋特制嘅汁,非常开胃!之後紧系食吓串烧!会比个炉仔你烧住,所以慢慢食都得,唔洗怕放得耐冻咗 睇相都知好食 全部都非常香口又唔燶 我个人私心推荐豚肉露荀卷 非常好嘅配搭,又唔怕太油,又健康!我亦好锺意流心鹌鹑蛋!真系好少见,而且鹌鹑蛋已剥壳,好贴心~净食串烧男朋友边够饱所以我哋叫咗个釜饭! 釜饭有蛋,香葱,同埋脆脆!口感好食又特别!非常香口,我极度推荐!多谢男朋友车我嚟,又发掘多间好嘢了 继续阅读
(以上食记乃用户个人意见 , 并不代表OpenRice之观点。)
Avoid at all costs!Booked a table, reached early but was not given ocean view table despite requesting many times..waiter said it's reserved and when we finished food after 2.5 Hrs, it was still empty and noone came!!How was my reservation any different from other people's reservation?Waiter during booking even asked about my nationality..such people should be fired immediately!Don't go to this horrible racist restaurant...... 继续阅读
(以上食记乃用户个人意见 , 并不代表OpenRice之观点。)