Amitie Kitchen

营业中

休息中

唔好覺得我吹奏，大家真係要黎食，佢餐包已經好食，平時你去食西餐嘅時候普通餐包撈牛油，我通常食一半就已經唔食，因為浪費我嘅食量，但係依間嘅餐包真係唔錯，首先佢嘅提子酥有啲似牛角包嗰種口感，第二隻包就係似法國包，口感偏硬，但都接受到，第三個就係以前我去意大利旅行嘅時候會食到嘅蒜蓉棒，我唔係專業嘅麵包專家，但係佢嘅麵包真係有令到我喜出望外。火炙加拿大海膽芝士焗蟹膏大啡菇呢個係好足料嘅大啡菇，雖然佢要$88 1件，但佢嘅餡料完全值得呢個價錢，佢嘅海膽鮮味，芝士有好多，而且佢嘅蟹膏勁香，令到我每食一啖大些菇都可以充滿着蟹味，搞到我自己都好想喺屋企整嚟食。加拿大海膽蟹膏蟹肉忌廉汁意大利粉至一點意大利粉係我做完網上搜集資料嘅時候已經諗住一定要叫，佢嘅海膽有兩大件，蟹膏又好香，而且蟹肉都有兩大件，忌廉汁有好多，撈埋意粉就好好食。