埠 (已結業)

講到西灣河覓食通常都係會諗起太安樓再唔係過啲就有太古城尤其對於我尼啲九龍人尼講對於西灣河認知太有限之前意外發現原來觀塘碼頭有船可以搭去西灣河碼頭本著週末就係要四圍探索既新地方既精神上個週末就一於試左搭去西灣河順便去碼頭附近覓食尼間高級日料 開正係碼頭隔離我地搭個隻船就停泊係餐廳既隔離淨係可以對住個無敵既海景食飯都抵番曬餐廳仲有個細露台仔 可以直程出去同個海零距離接觸咁用餐對住蔚藍既海 徐徐既海風撲面都咪話唔chill但天氣太凍 我地就冇揀到坐室外啦不過淨係坐係落地窗面都已經好正餐廳行中高價位路線 但一個set都包前菜 味噌湯 茶碗蒸同甜品我同朋友order左一個串燒定食同一個鰻魚釜飯三食兩個set擺盤都超架勢 淨係打卡都值回票價釜飯有三種食法 蘸山椒粉 蘸蔥/芝蔴/紫菜 同整茶漬飯可謂一次過滿足三個願望啊三種食法都各有千秋帶出鰻魚唔同層次既鮮味鰻魚本身燒同調味剛好 整體味道岩岩好串燒定食有肉有菜 食得出食材好新鮮 調味亦係日式清爽路線唔會太喧賓奪主 輕輕帶出食材既鮮味甜品既泡芙既忌廉濃香到好似雪糕靚景配美食 雖然價位偏高但偶爾犒勞下自己都好唔錯！