埠 (已結業)

事源有同事生日，所以就好難得咁成team同事一齊去食lunch。公司附近既餐廳都已經食到好厭，所以我地就轉移陣地，去左鯉景灣。一黎人少d，二黎仲有個無敵大海景睇。話説其實我都係第一次係碼頭食飯，餐廳真係坐落係海上面，所以望落個景觀真係好靚。訂位時已經要落定order，所以上餐速度都頗快。不過其實都可以去到現場先決定食咩，反正個景咁靚，坐多陣都無所謂啦。長腳蟹肉鍋燒烏冬 火炙左口群邊丼蟹肉超鮮甜，咬落去係啖啖海水味。連個湯都可以飲到蟹肉鮮甜既味道，而且仲有昆布同木魚既味道。烏冬彈牙，而且完全索到個湯底既味道。另外個火炙左口群邊丼既左口非常新鮮，個醬汁完全係有畫龍點睛既作用，令個火炙左口更惹味。價錢以午時黎講略貴，不過其實鯉景灣既餐廳都唔平，而且餐廳又有無敵大海景，所以都還可以接受。