La Parrilla Steakhouse

今晚想搵間有情調嘅扒房鋸扒，就去咗中環蘭桂坊後面嘅la parrilla steakhouse。餐廳燈光昏暗，已經預備好晒聖誕嘅裝飾，再加上鮮花，蠟燭，吊扇，歐陸式嘅磚牆，都每餐廳好浪漫有氣氛。菜式預備中嘅時候，侍應奉上熱辣辣嘅麵包，麵包外脆內軟。Starter-烤焗波芙隆芝士（$128）：用鐵板上，可以保持住熱力，令芝士唔會咁快變硬。芝士有拉絲嘅效果。鹹香嘅芝士味配埋麵包食就啱啱好。Main-阿根廷一個月熟成草飼封門柳400g ($448):炭燒味非常香濃。熟成牛令牛味更重。封門柳雖然脂肪少，但係質感都係好軟熟，易切開。而且佢肉汁都好豐富。Main-慢烤八爪魚觸鬚（$298）：八爪魚觸鬚口感彈牙，唔會好韌。八爪魚本身有鮮味，簡單嘅調味已經足夠。Side dish-香蒜炸薯條（$78）：叫個炸薯條一路傾吓偈一路食吓，配酒岩曬美食，美酒再配咁浪漫嘅氣氛，又係幸福感滿滿嘅一餐。