Boholic

营业中

休息中

今日放假同女朋友去咗長沙灣行街，行到有啲攰佢帶咗我去一間西餐廳晚餐，餐廳佈置得好有格調，氣氛好浪漫，門口特別有一個室外座位可帶寵物，餐廳氣氛浪漫入門口有兩個打卡位。餐湯南瓜湯，南瓜味道好香甜，口感幼滑，平時都鍾意食南瓜飲到舔舔脷。蜜桃巴馬火腿水牛芝士沙律半白桃油醋汁賣相勁靚仔，巴馬火腿做成朵玫瑰花，蜜桃香甜清新，配上巴馬火腿同水牛芝士嘅鹹香，好味開胃手拆蟹肉蟹膏糍粑賣相伴碟都好靚，餅底入口酥脆香口，上面加咗三文魚籽，蟹肉，牛油果醬。味道配搭鮮甜，三文魚籽令蟹肉嘅鮮味更突出。牛油果味道清新，整體味道好有層次。香煎法式鵝肝牛肝菌意大利飯厚厚嘅鵝肝煎到好香睇見都流口水，入口味道甘香口感嫩滑，意大利粉煮到啱啱好食落去煙煙韌韌，每一啖飯都有少少芝士絆住味道好香。香煎紐西蘭特級菊子牛西冷配黑松露燒汁加$68有半隻芝士焗龍蝦龍蝦size勁大隻味道鮮甜，芝士令龍蝦嘅鮮味更突出，牛扒賣相勁吸引，牛肉味香濃肉質嫩滑，有少少脂肪令到油花香味更突出。