影片
更多
2022-11-13
20 浏览
山林道真係好多嘢食，今次就試吓呢一間都幾出名嘅西餐廳餐廳環境氣氛都幾浪漫，暗暗地而且keep住播一啲純音樂，成個環境都好舒服唔想諗食咩，而且見套餐啲食物都好齊全，有齊生蠔、刺身、小食、main course同餐飲，性價比咁高就直接揀咗個商務套餐深海商務套餐 （$768 for 2 person)是日餐湯係松露雜菌湯雜菌好濃郁，因為磨得夠碎，而且係真材實料唔係罐頭湯味什菜沙律 沙律加咗啲甜酸醬，食落好開胃，正正常常都OK嘅新鮮靚生蠔 4隻先食美國珍珠蠔，上面加咗啲魚子醬，入口好香，味道淡淡地但好新鮮。另一款係日本赤穗水晶蠔海水味比較重，但肉身比較飽滿，本身已經加咗調味，所以唔使再加其他醬汁已經好有層次迷你刺身拼盤有三文魚刺身、帶子刺身、象拔蚌同甜蝦都算不錯，滿足曬我鍾意食刺身煎脆皮鵝肝2件鵝肝夠Rich，啲脂肪同個包一齊食好夾👍🏻呢個十分推介美國安格斯肉眼主菜係3選1，豬牛羊我哋揀咗牛，呢塊安格斯肉眼5成熟嚟講煎得幾好，上菜時仲係熱熱地，但裏面仲好嫩滑同多汁，加上啲香蒜好香，一齊食令個肉汁更加提升。另外佢嘅薯條好新鮮，炸得夠乾身，放落口一試就知係用新鮮油炸，冇千年油嘅味道🤣深海海鮮拉麵拉
餐廳環境氣氛都幾浪漫，暗暗地而且keep住播一啲純音樂，成個環境都好舒服
唔想諗食咩，而且見套餐啲食物都好齊全，有齊生蠔、刺身、小食、main course同餐飲，性價比咁高就直接揀咗個商務套餐
深海商務套餐 （$768 for 2 person)
是日餐湯係松露雜菌湯
雜菌好濃郁，因為磨得夠碎，而且係真材實料唔係罐頭湯味
什菜沙律
沙律加咗啲甜酸醬，食落好開胃，正正常常都OK嘅
新鮮靚生蠔 4隻
先食美國珍珠蠔，上面加咗啲魚子醬，入口好香，味道淡淡地但好新鮮。
另一款係日本赤穗水晶蠔
海水味比較重，但肉身比較飽滿，本身已經加咗調味，所以唔使再加其他醬汁已經好有層次
迷你刺身拼盤
有三文魚刺身、帶子刺身、象拔蚌同甜蝦
都算不錯，滿足曬我鍾意食刺身
煎脆皮鵝肝2件
鵝肝夠Rich，啲脂肪同個包一齊食好夾👍🏻呢個十分推介
美國安格斯肉眼
主菜係3選1，豬牛羊我哋揀咗牛，呢塊安格斯肉眼5成熟嚟講煎得幾好，上菜時仲係熱熱地，但裏面仲好嫩滑同多汁，加上啲香蒜好香，一齊食令個肉汁更加提升。另外佢嘅薯條好新鮮，炸得夠乾身，放落口一試就知係用新鮮油炸，冇千年油嘅味道🤣
深海海鮮拉麵
拉麵彈牙，蝦亦都幾大隻，食完佢已經好飽，所以份量好夠食
最尾我哋見啲甜品都幾抵食，所以都額外加咗兩個甜品
柚子雪芭（$38）
入口清新，而且唔甜，好適合食完啲油膩嘢可以清淡一下個口
焦糖布丁蛋糕 （$38）
100個推介呢一個焦糖布丁蛋糕，佢有啲似壽司郎的卡達拉娜，但我覺得比壽司郎更好味，布丁蛋糕嘅texture好似雪糕咁,入口有即溶嘅感覺,亦都好香蛋味，喺小店食到呢就質素嘅蛋糕真係好高質
张贴
