港畔餐廳 (已結業)

今年母親節揀左媽咪最鍾意嘅洲際慶祝，地点方便，環境仲十分舒適。今次我地張枱仲可以望到海景，海濱長廊亦已經维修完成，加上今日天氣非常好，藍天碧海，份外寫意，期間仲有好多特色船隻經過，有帆船、觀光船、舢板，好有節日氣氛。洲際的自助餐由11点半至3点，食物精緻又有水準，尤以甜點最精美及吸睛。特色食材1.龍蝦:大大隻，啖啖肉，無限量添加2.長腳蟹、蝦及鉗：新鮮、大隻3.炆牛：好淋，用左醋及其他配料煮，食落甜甜酸酸，好醒胃，仲有骨膠原4.酥皮魚塊：魚柳香煎，然後用酥皮包住魚柳及波菜再焗，好清新及好味5.蒸鱸魚:好滑同新鮮，無限量供應6.甜點真係多不勝數，目不暇及，見相你就知最好就係有果汁無限量供應，有石柳汁、橙汁及西柚汁，任君選擇。另外仲有即場鮮榨果汁，有紅蘿白、青瓜、蘋果、䔧等，新鮮好味。由於今日係母親節，現場仲有工作人員表演魔術同扭汽球所做成嘅花送给所有母親，我媽咪收到花亦十分高興。餐廳仲為每一位母親送上一份紀念品(化妝品)作為小禮物，真是十分盡興。