牛太 (已結業)

有冇人同我一樣好鐘意食泰國菜🤔最近牛太推左泰國主題既烤肉放題，除左可以任食澳洲和牛，仲有各式泰國小菜。餐廳用電腦點餐，幾方便，重點係肉類款式極豐富👍🏻仲可以逐件咁點，咁就唔怕浪費👍🏻雖然係放題，但牛肉質素都非常唔錯，牛味十足，口感軟稔，唔會覺得好鞋。而且仲有得選擇唔同調味既肉，當中牛胸腹肉係我最愛！燒肉店好少會有得食牛油金菇，仲有三大塊牛油添。除左常見既泰式生木瓜沙律，呢度仲可有泰式柚子沙律，第一次食，柚子酸酸甜甜，有帶點微辣，幾開胃。冬陰石鍋湯，辣度岩岩好，仲有隻大蝦。最後食埋芒果糯米飯雪條，圓滿了。