影片
更多
2023-06-07
62 浏览
同男朋友周年慶祝，想搵間特別啲情調又好啲嘅餐廳慶祝吓。男朋友見到OpenRice最近太熱推薦一間波希米亞風嘅餐廳，就訂咗個餐晚飯俾個surprise我。我原本都以為只係簡單食個晚飯慶祝，但係見到餐廳嗰陣簡直大驚喜呀🤩 餐廳成個風格非常浪漫，以米色為基調，配以各種乾花、流蘇同針織造型既飾品，並以綠色植物為點綴下，令人一入到餐廳就有種溫馨舒適嘅感覺。☺️我哋叫咗個二人份既set dinner。首先要讚吓嘅係佢嘅賣相，每道菜都用心擺盤，顏色繽紛鮮艷之外，仲有花朵同烘焙嘅格仔脆脆作為點綴，真係由環境到食物都非常IGable🥰而食物就包括:🥗蜜桃巴馬火腿水牛芝士配白桃油醋汁好靚、好味又好大份嘅沙律，而且食材好新鮮。味道同口感嘅調節都非常之好，巴拿馬火腿嘅鹹香(煙靭)、水牛芝士嘅淡淡奶香(嫩滑)、蜜桃既濃郁果香(軟熟)以及醋汁既酸甜，實在要俾個大大嘅like佢🍘手拆蟹肉蟹膏糍粑真係好有驚喜既小食，實在要讚一讚！糍粑本身係西式料理之中比較少見，口感雖然特別但味道亦比較淡，餐廳加入蟹肉同蟹膏後令到味道嘅層次大增，滿滿嘅蟹肉亦都令到成到小食高級好多。但係要小心，糍粑都幾飽肚，食咗兩件之後即刻飽飽地哈哈😆🥘
我原本都以為只係簡單食個晚飯慶祝，但係見到餐廳嗰陣簡直大驚喜呀🤩 餐廳成個風格非常浪漫，以米色為基調，配以各種乾花、流蘇同針織造型既飾品，並以綠色植物為點綴下，令人一入到餐廳就有種溫馨舒適嘅感覺。☺️
我哋叫咗個二人份既set dinner。首先要讚吓嘅係佢嘅賣相，每道菜都用心擺盤，顏色繽紛鮮艷之外，仲有花朵同烘焙嘅格仔脆脆作為點綴，真係由環境到食物都非常IGable🥰
而食物就包括:
🥗蜜桃巴馬火腿水牛芝士配白桃油醋汁
好靚、好味又好大份嘅沙律，而且食材好新鮮。味道同口感嘅調節都非常之好，巴拿馬火腿嘅鹹香(煙靭)、水牛芝士嘅淡淡奶香(嫩滑)、蜜桃既濃郁果香(軟熟)以及醋汁既酸甜，實在要俾個大大嘅like佢
🍘手拆蟹肉蟹膏糍粑
真係好有驚喜既小食，實在要讚一讚！糍粑本身係西式料理之中比較少見，口感雖然特別但味道亦比較淡，餐廳加入蟹肉同蟹膏後令到味道嘅層次大增，滿滿嘅蟹肉亦都令到成到小食高級好多。但係要小心，糍粑都幾飽肚，食咗兩件之後即刻飽飽地哈哈😆
🥘香煎法式鵝肝牛肝菌意大利飯
鵝肝真係煎得好香口，而意大利飯亦都充分吸晒湯汁嘅味道，每一口都有啖啖的滿足感。男朋友對於呢度主食讚不絕口，下次嚟都話要再食過😎
🍗法式紅酒燴紐西蘭羊膝
一般喺出邊餐廳食羊肉都預計份量會少啲，但係呢道羊膝份量絕對值回票價，同時羊肉亦烹煮得非常入味同柔軟，輕輕用刀叉一切就可以享用美食。不得不提嘅係佢嘅薯蓉同埋紅酒汁都做得非常出色，呢度菜式係我本日嘅最愛🧡
我地今次都幾好彩坐到喺2樓既小卡座，有種係包廂食飯嘅錯覺，呢間餐廳真係推薦比各位情侶既周年慶祝呀🥰
张贴
